کراچی میں شدید ترین سردی درجہ حرارت 58 ڈگری ریکارڈ

غیرسرکاری ادارے پاک ویدر کے مطابق سرجانی میں 2، سعدی ٹاؤن 3، بحریہ ٹاؤن اور نارتھ کراچی 3.5 اور ملیر میں 4 ڈگری ریکارڈ (فوٹو : فائل)

---

شہر میں سردی کی شدت پھر بڑھ گئی اور کم سے کم پارہ 5.8 ڈگری ریکارڈ ہوا، کوئٹہ کی سمت سے تند و تیز ہوائیں چلیں اور رفتار 45 کلومیٹر فی گھنٹہ ریکارڈ ہوئی۔

محکمہ موسمیات کے مطابق دو ہفتے گزرنے کے بعد بھی شہر میں سردی کی شدت برقرار ہے، ہفتے کو رواں سیزن میں کم سے کم درجہ حرارت ریکارڈ ہوا، بلوچستان کی شمال مشرقی (کوئٹہ) کی معمول سے تیز سرد ہوائیں چلیں جس کی زیادہ سے زیادہ رفتار 45 کلومیٹر فی گھنٹہ ریکارڈ ہوئی۔

محکمہ موسمیات کے مطابق ہفتے کو شہر کا کم سے کم درجہ حرارت گزشتہ روز کے مقابلے میں کئی ڈگری کمی سے 5.8 ڈگری ریکارڈ ہوا، شہر کا زیادہ سے زیادہ درجہ حرارت 24 ڈگری سینٹی گریڈ رہا، صبح کے وقت ہوا میں نمی کا تناسب 38 فیصدرہا، صبح دھند چھانے کی وجہ سے حدنگاہ کم ہو کر 4 کلومیٹر رہ گئی تھی۔

محکمہ موسمیات کے مطابق اتوار کو شہر کا موسم سرد اور خشک رہنے جبکہ کم سے کم پارہ 6 سے8 ڈگری کے درمیان رہنے کا امکان ہے۔

سرجانی میں 2، نارتھ کراچی میں 3.5 اور ملیر میں 4 ڈگری ریکارڈ، پاک ویدر

پاک ویدر کے مطابق صائمہ عربین ولاز (سرجانی) میں 2 ڈگری، سعدی ٹاؤن میں 3 ڈگری، بحریہ ٹاؤن اور نارتھ کراچی میں 3.5 ڈگری، ملیر میں 4 ڈگری سینٹی گریڈ ریکارڈ ہوا۔

غیر سرکاری ویدر اسٹیشن پاک ویدر کے مطابق ہفتے کی صبح شہر کے شمالی علاقوں میں درجہ حرارت 2 ڈگری تک گرا، گڈاپ، معمار کے کھلے علاقوں میں Frost بھی دیکھی گئی بقیہ علاقوں میں بھی درجہ حرارت کافی کم رہا۔

پاک ویدر کے مطابق صائمہ عربین ولاز (سرجانی) میں 2 ڈگری، سعدی ٹاؤن میں 3 ڈگری، بحریہ ٹاؤن اور نارتھ کراچی میں 3.5 ڈگری، ملیر میں 4 ڈگری سینٹی گریڈ ریکارڈ ہوا۔