- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
پی ڈی ایم لانگ مارچ کل کے بجائے آج کرے، شیخ رشید
اسلام آباد: وفاقی وزیر داخلہ شیخ رشید احمد کا کہنا ہے کہ پی ڈی ایم لانگ مارچ کل کے بجائے آج کرے ان کی راہ میں کوئی رکاوٹ نہیں ڈالیں گے۔
ایکسپریس نیوز کے پروگرام ایکسپریسو سے خصوصی گفتگو کے دوران شیخ رشید نے کہا کہ آنے والے دنوں میں براڈ شیٹ ملک کا اہم کیس بنے گا اور یہ پاکستان کے لئے دوسرا پاناما کیس بننے جا رہا ہے، تحقیقات میں ہرچیز واضح ہو گی، تب ہی کوئی فیصلہ ہو گا کہ اسے عدالت میں لایا جائے یا نہیں، براڈ شیٹ تحقیقاتی کمیشن کے سربراہ جسٹس ریٹائرڈ عظمت سعید نے پاناما تحقیقاتی کمیشن کی والیم 10 پڑھی ہوئی ہے۔
پی ٹی آئی کے ناراض رکنِ پنجاب اسمبلی خواجہ داؤد سلیمانی نے اسپیکر پنجاب اسمبلی چوہدری پرویز الہٰی سے ملاقات کے حوالے سے پوچھے گئے سوال پر شیخ رشید نے کہا کہ پرویزالہیٰ سے ایک ہی ایم پی اے نے ملاقات کی ہے، پرویز الہی حکومت کے ساتھ ہی رہیں گے لیکن اس طرح کے جوڈو کراٹے لگے رہتے ہیں، اس سے کوئی فرق نہیں پڑے گا۔
عوامی مسائل کے حوالے سے وفاقی وزیر نے کہا کہ ملک کی معاشی حالت بہتر ہوئی ہے اور مہنگائی میں کمی آئی ہے، اپوزیشن کو حق حاصل ہے کہ جب چاہے اسلام آباد آئیں ، ان کی راہ میں کوئی رکاوٹ نہیں ڈالی جائے گی، اسی کا نام جمہوریت ہے۔
گزشتہ روز مولانا فضل الرحمان کی آصف زرداری اور نواز شریف سے ٹیلیفونک گفتگو کے حوالے سے شیخ رشید نے کہا کہ پی ڈی ایم اپنے بنیادی ایجنڈے سے پیچھے ہٹ گئی ہے، ان کی کوئی واضح حکمت عملی نہیں، خود مولانا فضل الرحمان ہی کی جماعت کے 2 امیدوار قومی و صوبائی اسمبلیوں کے ضمنی انتخابات میں حصہ لے رہے ہیں، وہ مارچ میں سینیٹ کے انتخابات میں بھی حصہ لے رہی ہے، آئندہ ایک سے ڈیڑھ ماہ میں انہیں لانگ مارچ کرنا ہے جو وہ کل کے بجائے آج کرلیں، الیکشن کمیشن کے سامنے ان کا احتجاج بھی ایک عام سا احتجاج تھا۔
شیخ رشید کا کہنا تھا کہ بھارت کئی معاملات میں ایکسپوز ہوا ہے، وہاں جو حالات آج پیدا ہوئے ہیں پہلے کبھی نہیں ہوئے، بھارت کے سیکولرازم کی حقیقت کھل گئی ہے اور ہندوازم کھل کر سامنے آگیا ہے، وہاں کے مسلمان، سکھ،اور عیسائی خود کو غیرمحفوظ سمجھتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔