بھارت میں مسافر بس اور ٹرک کے درمیان خوفناک تصادم 10 ہلاک

حادثے میں 10 افراد زخمی بھی ہوئے، فوٹو : فائل

---

بھارت میں مسافر بس سامنے سے آتے ہوئے ٹرک سے ٹکرا گئی جس کے نتیجے میں 10 مسافر ہلاک اور 10 زخمی ہوگئے۔

بھارتی میڈیا کے مطابق بلاری سے مراد آباد جانے والی مسافر بس آگرہ ہائی وے پر حادثے کا شکار ہوگئی، بس اور ٹرک کے خوفناک تصادم میں 10 افراد ہلاک اور 10 زخمی ہوگئے۔

ریسکیو اداروں نے امدادی کاموں کا آغاز کرتے ہوئے ہلاک اور زخمی ہونے والوں کو قریبی اسپتال منتقل کردیا ہے جہاں 4 زخمیوں کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔

اترپردیش کے وزیر اعلیٰ یوگی ادھتیاناگ نے بس حادثے پر افسوس کا اظہار کرتے ہوئے ہلاک ہونے والوں کے لواحقین کو 2 لاکھ فی کس اور زخمیوں کو 50 ہزار فی کس امدادی رقم کا اعلان کیا ہے۔