- نئے معاہدے کیلیے آئی ایم ایف کا وفد اگلے ہفتے پاکستان کا دورہ کرے گا، وفاقی وزرا
- پاکستان کو عالمی بینک سے 8 ارب ڈالرز ملنے کی توقع
- بجلی تقسیم کار کمپنیوں کی صارفین پر مزید 51 ارب روپے کا بوجھ ڈالنے کی درخواست
- ٹی20 ورلڈکپ سے قبل مچل مارش کی فٹنس سوالیہ نشان بن گئی
- سونے کی عالمی اور مقامی مارکیٹوں میں قیمت کم ہو گئی
- 9 مئی کرنے اور کروانے والوں کو سزا دینی پڑے گی، انتشاری ٹولے سے کوئی بات چیت نہیں ہوگی، ڈی جی آئی ایس پی آر
- حزب اللہ کا صیہونی ریاست پر ڈرون حملہ؛ 2 اسرائیلی فوجی ہلاک
- دوسری شادی پر بیوی نے بھری عدالت میں شوہر کی پٹائی کردی
- سعودی اور امریکی افواج کی مشترکہ جنگی مشقوں کا آغاز ہوگیا
- ٹیلی کام کمپنیاں 5 لاکھ سے زائد نان فائلرز کی موبائل سِمز بلاک کرنے پر رضامند
- عدلیہ میں مداخلت ہے، جسٹس اطہر؛ تو پھر آپ کو یہاں نہیں بیٹھنا چاہیے، چیف جسٹس
- برطانیہ میں شہزاد اکبر پر تیزاب حملہ ثابت نہ ہو سکا، پولیس تحقیقات بند
- جسٹس شوکت صدیقی کی برطرفی کو ریٹائرمنٹ میں تبدیل کردیا گیا، نوٹیفکیشن جاری
- گندم کی نئی قیمت مقرر کرنے کی درخواست پر وفاقی حکومت سے جواب طلب
- ٹی20 ورلڈکپ سے قبل ریکارڈ بُک بابراعظم کے انتظار میں! جانیے
- ایشیائی باشندے نے محبوبہ کو قتل کرکے دکان کو آگ لگادی؛3 پاکستانی زخمی
- سندھ ہائیکورٹ کا سڑکوں سے غیر قانونی بچت بازار اور رکشہ اسٹینڈز ہٹانے کا حکم
- بدنیتی پر مبنی مہم؛ جسٹس محسن کیانی کا بھی توہین عدالت کارروائی کیلئے خط
- پختونخوا کی گورننس زیادہ بہتر نہیں، نفرتوں کا خاتمہ کروں گا، گورنر کے پی کے
- بھارت میں افغان قونصلر جنرل 25 کلو سونا اسمگل کرتے ہوئے پکڑی گئیں
کراچی کنگز کو اوپنرز سے دھماکا خیز کارکردگی کی توقع
کراچی کنگز نے خطرناک اوپنرز سے دھماکا خیز کارکردگی کی توقعات وابستہ کرلیں۔
پاکستان کرکٹ کی سب سے بڑی ویب سائٹ www.cricketpakistan.com.pkکے پروگرام ’’کرکٹ کارنر ود سلیم خالق‘‘ میں گفتگوکرتے ہوئے کراچی کنگز کے کپتان عماد وسیم نے کہا کہ شرجیل خان اگر پاکستان میں ٹی ٹوئنٹی کرکٹ کے بہترین اوپنر نہیں تو کم ازکم ان میں سے ایک ضرور ہیں،جارح مزاج بیٹسمین نے اپنی صلاحیتیں ثابت بھی کی ہیں،امید ہے کہ وہ پی ایس ایل 6میں غیر معمولی کارکردگی دکھانے میں کامیاب ہوں گے،ہر کوئی جانتا ہے کہ شرجیل ایک خطرناک کرکٹر ہیں،وہ ڈومیسٹک کرکٹ میں اچھی فارم میں نظر آئے، امید ہے کہ میدان میں اْیک ابھرتے ہوئے اسٹار کی مانند نظر آئیں گے۔
انہوں نے کہا کہ جہاں تک فٹنس کی بات ہے تو شرجیل پر جتنا ہوسکے کام کرنے کی کوشش کرینگے اور کرنا بھی چاہیے،یہ ان کے مستقبل کیلیے بھی بہتر ہوگا،دوسرے اوپنر بابر اعظم کی صلاحیتوں کو بھی سب جانتے ہیں،وہ دنیا کے بہترین بیٹسمینوں میں سے ایک ہیں،میں گذشتہ 5سال سے کہتا چلا آیا ہوں کہ وہ ایک شاندار کرکٹر ہیں،بڑی مثبت بات ہے کہ انھوں نے شاندار پرفارم کرتے ہوئے ہمیں کئی یکطرفہ فتوحات دلائی ہیں۔
عماد وسیم نے کہا کہ ہم نے گذشتہ سال اچھی کرکٹ کھیلتے ہوئے ٹائٹل پر قبضہ جمایا تھا، نئے سیزن میں قطعی طور پر دباؤکا شکار نہیں، اپنے اعزاز کے دفاع کی مہم جوئی کیلیے پْرجوش ہیں۔
کپتان نے کہا کہ میں ٹیم سلیکشن سے مطمئن ہوں،ہمیں تجربہ کار کرکٹرز کا ساتھ میسر ہے،نئے پلیئرز بھی شامل ہوئے ہیں، فی الحال کمبی نیشن میں کوئی کمزوری نظر نہیں آتی، پی ایس ایل کا معیار بہت بلند اور ٹیمیں اچھی ہیں، اس لیے کسی کو بھی فیورٹ قرار نہیں دیا جا سکتا،میچ کے دن بہتر کارکردگی دکھانے والی ٹیم ہی سرخرو ہوگی۔
ایک سوال پر انھوں نے کہا کہ میں نے فٹنس پر بہت کام کیا ہے،اپنی خوراک کا بہت زیادہ خیال رکھا،اس ضمن میں مزید کام کرتا رہوں گا۔
کپتانی کے معاملے میں میرے اوربابرکے درمیان کوئی جیلسی نہیں
عماد وسیم نے کہا کہ کراچی کنگز کی کپتانی کے معاملے میں میرے اور بابر اعظم کے درمیان کوئی جیلسی نہیں،پاکستان ٹیم کی قیادت ہو یا فرنچائز ٹیم کی ایک پروفیشنل کے طور پر جو بھی ذمہ داری ملے اسے خوش اسلوبی سے نبھانا ہوتا ہے،کراچی کنگز نے مجھے قیادت کی جو ذمہ داری سونپی ہے میں اس سے انصاف کرنے کی کوشش کررہا ہوں۔
محمد رضوان نے بہت سے لوگوں کی رائے کو غلط ثابت کردیا
عماد وسیم نے کہاکہ محمد رضوان نے بہت سے لوگوں کی رائے کو غلط ثابت کردیا، کراچی کنگز کے کپتان نے کہا کہ میں وکٹ کیپر بیٹسمین کی حالیہ کارکردگی پر خوش ہوں، انھوں نے سخت محنت کی جس کا اللہ تعالیٰ صلہ دے رہا ہے،اگر وہ اس ایڈیشن میں بھی ہمارے ساتھ ہوتے تو ان کی عمدہ فارم کا فائدہ حاصل ہوتا اور ٹیم مزید مضبوط نظر آتی،میرے خیال میں وہ موجودہ کرکٹرز میں سے سب سے زیادہ اپنے کھیل میں نکھارلانے میں کامیاب ہوئے ہیں، انھوں نے بہت سے لوگوں کی رائے کو غلط ثابت کیا۔
عماد نے مذاق میں کہا کہ امید ہے کہ رضوان ہمیں چھوڑ کر دیگر ٹیموں کے خلاف عمدہ پرفارم کرتے نظر آئیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔