سندھ میں سال کا پہلا کانگو وائرس کیس رپورٹ

اسٹاف رپورٹر  اتوار 28 فروری 2021
متاثرہ شخص کراچی کے علاقے بلاول چورنگی کا رہائشی اور پیشہ ورانہ طور پر چرواہا ہے ۔ فوٹو : فائل

متاثرہ شخص کراچی کے علاقے بلاول چورنگی کا رہائشی اور پیشہ ورانہ طور پر چرواہا ہے ۔ فوٹو : فائل

 کراچی: سندھ میں رواں سال کا پہلا کانگو وائرس کیس رپورٹ ہوگیا، متاثرہ شخص کو جناح اسپتال منتقل کردیا گیا ہے۔

جناح اسپتال کی ایگزیکٹو ڈائریکٹر ڈاکٹر سیمی جمالی کے مطابق 24 سالہ رب نواز میں کانگو وائرس کی تشخیص ہوگئی، رب نواز کراچی کے علاقے بلاول چورنگی کا رہائشی ہے اور پیشہ ورانہ طور پر چرواہا ہے۔

انہوں نے بتایا کہ متاثرہ شخص کو جناح اسپتال میں داخل کرلیا گیا ہے اور رب نواز کو جب اسپتال لایا گیا تب خون کا بہاؤ (بلیڈنگ) جاری تھی۔

واضح رہے سندھ میں رواں سال کانگو وائرس کا یہ پہلا کیس رپورٹ ہوا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔