نائیجیریا فوج کا شدت پسند تنظیم بوکو حرام کیخلاف آپریشن 38 ہلاک

ایک روز قبل وسطی نائیجیریا میں نامعلوم افراد نے قصبے پر حملہ کرکے 34 افرادکو مارا تھا۔ فوٹو: رائٹرز/فائل

---

نائیجیریا کی فوج نے عسکریت پسند تنظیم بوکوحرام کے خلاف کارروائی کے دوران 38 عسکریت پسندوں کو ہلاک کرنے کا دعویٰ کیاہے۔

میڈیا رپورٹس کے مطابق فوج کی جانب سے جاری ہونے والے ایک بیان میں کہاگیاہے کہ یہ کارروائی ملک کے مشرقی علاقے میں کی گئی ہے۔بیان میں کہا گیاہے کہ کارروائی کے دوران ایک فوجی اہلکارہلاک اور 2 زخمی ہوگئے۔عسکریت پسند تنظیم کی جانب سے ابھی تک اس حوالے سے کوئی بیان سامنے نہیں آیا۔



یاد رہے کہ ایک روز قبل وسطی نائیجیریا کے علاقے میں نامعلوم افراد نے قصبے پر حملہ کرکے کم ازکم 34 افراد کو قتل کردیا تھا، علاقے میں اس حوالے سے آپریشن اور تفتیش جاری ہے۔ انسانی حقوق کی عالمی تنظیم کا کہنا ہے کہ 1992 سے لیکر اب تک نائیجیریا میں مذہبی اور لسانی بنیادوں پر ہونے والے تصادم میں کم از کم 10 ہزار افراد مارے جاچکے ہیں۔