جیکب آبادجرگے نے 2 بچیاں ونی قرار دیدیں 12 لاکھ جرمانہ عائد

ڈی آئی جی لاڑکانہ کا ایس ایچ او کو معطل اور سرپنچ کو گرفتار کرنے کا حکم۔ فوٹو: فائل

---

KABUL: تحصیل ٹھل میں سیاہ کاری کے تنازع پر جرگے کا انعقاد ہوا، سیاہ کاری کے ملزم پر 12لاکھ روپے جرمانہ عائد کیا اور اس کے بعد 2 بیٹیاں ونی کے طور پر دینے کا فیصلہ کیا گیا۔

متاثرہ شخص نے فیصلہ ماننے سے انکارکرتے ہوئے سرپنچ پر بیوی اور بیٹی کو اغوا کرانے کا الزام لگایا اور انصاف نہ ملنے کی صورت میں ہائیکورٹ کے سامنے خود سوزی کرنے کا اعلان کر دیا۔ جیکب آبادکے نواحی علاقے میں وڈیرہ جہانگیر خان بنگلانی کی سربراہی میں سیاہ کاری کے تنازع کا جرگہ منعقد کیا گیا، جرگے میں ثنااﷲ بنگلانی پر کارو کا الزام ثابت ہونے پر12لاکھ روپے جرمانہ اور 2 معصوم بیٹیاں ونی کے طور پر دینے کا فیصلہ سنایا گیاجسے متاثرہ شخص نے ماننے سے انکار کردیا۔



اس سلسلے میں ثنا اﷲ بنگلانی نے روتے ہوئے بتایا کہ 6 ماہ قبل گڑھی حسن تھانے کی حدود گائوں گاہی خان بنگلانی میں پولیس اہلکار عبدالصمد بنگلانی نے اپنی 2 بیویوں کو سیاہ کاری کے الزام میں قتل کیا جس کا الزام مجھ پر لگایاگیا، اگر انصاف نہ ملا تو سندھ ہائی کورٹ کے سامنے گھر کے دیگر افراد کے ہمراہ خودسوزی کروں گا۔ اطلاعات کے مطابق ڈی آئی جی لاڑکانہ نے ایس ایچ او گڑھی حسن سرکی فاروق بروہی کو معطل اور جرگے کے سرپنچ کو گرفتار کرنے کا حکم دیا ہے۔