کوروناوبا؛ پاکستان میں بھارت سے ہمدردی کے ٹاپ ٹرینڈز

 کراچی: بھارت میں کورونا وبا کی بگڑتی ہوئی صورتحال کے پیش نظرپاکستان کے ٹوئٹرٹرینڈ پر’انڈیا نیڈزآکسیجن‘، ’انڈیا لائیوزمیٹر‘ اور’پرئینگ فارانڈیا‘ کے ٹاپ ٹرینڈ شامل ہیں۔

بھارت اس وقت کورونا وبا کے باعث بدترین صورتحال میں ہے۔ کئی ریاستوں میں اسپتالوں میں کورونا متاثرین کے لیے جگہ نہیں جب کہ کئی اسپتالوں میں آکسیجن کی کمی سے مریض جان کی بازی ہاررہے ہیں۔

ایسی صورتحال میں پاکستانی عوام بھی بھارت میں پیش آئی اس خوفناک صورتحال کے ساتھ بھارتی عوام اورخاص طور پر کورونا متاثرین سے ہمدردی کا جذبہ رکھتے ہیں۔

ٹوئٹر پرپاکستانیوں کی جانب سے بنائے گئے بھارت کے ساتھ ہمدردی کے کافی ہیش ٹیگز ٹاپ ٹرینڈ کررہے ہیں جن میں ’انڈیا نیڈزآکسیجن‘، ’انڈیا لائیوزمیٹر‘ اور’پرئینگ فارانڈیا‘ کے ٹاپ ٹرینڈ شامل ہیں۔

صارفین بھارت کے ساتھ ہمدردی دکھا رہے ہیں اوروزیراعظم عمران خان سے مطالبہ کرہے ہیں مشکل وقت میں ہمیں بھارت کی مدد کرنی چاہیئے۔

I request Prime Minister Imran Khan

That we should help our neighbors in this difficult time.

May Allah bless all human beings and protect us all from this pandemic. Ameen Suma Ameen !!!@ImranKhanPTI#IndiaNeedsOxygen#IndianLivesMatter #COVIDEmergency2021 #India pic.twitter.com/1vxBWmeTNI

— Natt Sb (@NattSbOfficial) April 23, 2021

ایک صارف نے لکھا کہ پاکستانی عوام کی جانب سے زیادہ ترٹرینڈزاس وقت بھارت کے حق میں ہیں۔ انسانیت سب سے پہلے۔

ایک اوروڈیو وائرل ہورہی ہے جس میں ایک پولیس افسرمسلمانوں سے التجا کررہا ہے وہ خاص طورپراس مقدس مہینے رمضان میں خدا سے دعا کریں کہ نمازاور تراویح میں کورونا وبا کے خاتمے کے لیے دعا کریں۔

https://twitter.com/syedizzat_u/status/1385412643255635970

ایک اورصارف نے کہا کہ ہمیں اس وقت بھارتیوں کو نہیں بھولنا چاہیئے جو کورونا وبا کے باعث خوفناک صورتحال سے گزر رہے ہیں۔

https://twitter.com/KinzasDiary/status/1385396742263345152

ایک اورصارف نے کہا کہ ان کی دعائیں بھارت کے ساتھ ہیں۔ انسانیت سب سے بڑھ کرہے۔

My prayers are with India ..
Humanity is above everything ☺️#IndiaNeedsOxygen #IndianLivesMatter pic.twitter.com/JegZAga2Cb

— MahnoorAhmad (@Mahnoor15604437) April 23, 2021