حکومت نے نیب کے بجٹ میں 37 کروڑ روپے کی کمی کردی

اسٹاف رپورٹر  جمعـء 11 جون 2021
حکومت نیب کی کارکردگی سے ناخوش، نیب کو نئے مالی سال میں 5 ارب 51 کروڑ کی جگہ 5 ارب 13 کروڑ روپے کے فنڈز ملیں گے (فوٹو : فائل)

حکومت نیب کی کارکردگی سے ناخوش، نیب کو نئے مالی سال میں 5 ارب 51 کروڑ کی جگہ 5 ارب 13 کروڑ روپے کے فنڈز ملیں گے (فوٹو : فائل)

 اسلام آباد: حکومت نے نیب کے سالانہ بجٹ میں 37 کروڑ 68 لاکھ روپے کی کمی کردی، نیب کو نئے مالی سال میں 5 ارب 51 کروڑ کی جگہ اب 5 ارب 13 کروڑ 70 لاکھ کے فنڈز ملیں گے۔

بجٹ دستاویز کے مطابق پٹرولیم ڈویژن تنخواہوں اور دیگر مراعات کے لیے 20 ارب 63 کروڑ 90 لاکھ روپے، ہائیر ایجوکیشن کمیشن کے لیے 66 ارب 25 کروڑ روپے ، قومی اسمبلی تنخواہوں اور دیگر مراعات کے لیے 5 ارب 58 کروڑ 10 لاکھ روپے، سینیٹ کے لیے 3 ارب 74 کروڑ 76 لاکھ روپے مختص کیے گئے ہیں۔

حکومت نے نیب کی کارکردگی پر عدم اطمینان کا اظہار کیا ہے اور نیب کے سالانہ بجٹ میں 37 کروڑ 68 لاکھ کی کمی کردی۔ نیب کو اب نئے مالی سال میں 5 ارب 51 کروڑ کی جگہ 5 ارب 13 کروڑ 70 لاکھ کے فنڈز میں ملیں گے۔

اسی طرح وفاقی شرعی عدالت کے لیے 49 کروڑ 40 لاکھ روپے، سی پیک اتھارٹی کے لیے 31 کروڑ 30 لاکھ روپے ، سپریم کورٹ آف پاکستان کے لیے 2 ارب 81 کروڑ روپے، سپریم کورٹ ملازمین کی تنخواہوں کے لیے 2 ارب 19 کروڑ ،آپریشنل اخراجات کے لیے 38 کروڑ، تعمیر و مرمت کے لیے 3 کروڑ 90 لاکھ روپے، اسلام آباد ہائی کورٹ کے لیے 1 ارب 8 کروڑ روپے، الیکشن کمیشن کے لیے 3 ارب 82 کروڑ 70 لاکھ روپے مختص کرنے کی تجویز دی گئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔