قتل کیس، پیپلز پارٹی کے سابق امیدوار ایم این اے میاں آصف کو سزائے موت سنا دی گئی

پیپلزپارٹی کے سابق امیدوار قومی اسمبلی نے رقم کے تنازعہ پر معروف پراپرٹی ڈیلر میاں تاجدین کو قتل کردیا تھا۔

نمائندہ ایکسپریس جمعـء 25 جون 2021

پیپلزپارٹی کے سابق امیدوار قومی اسمبلی میاں آصف علی آرائیں نے پراپرٹی ڈیلر میاں تاجدین کو فائرنگ کرکے قتل کردیا تھا (فوٹو، فائل)

سادھوکے: قتل کیس میں سابق امیدوار قومی اسمبلی میاں آصف آرائیں کو سزائے موت سنا دی گئی۔

6 جولائی 2019 ء کو پاکستان پیپلزپارٹی کے سابق امیدوار قومی اسمبلی میاں آصف علی آرائیں نے رقم کے تنازعہ پر معروف پراپرٹی ڈیلر میاں تاجدین کو فائرنگ کرکے قتل کردیا تھا جس کا مقدمہ مقتول کے بیٹے محمد علی کی درخواست پر درج ہوا۔جس پر پولیس نے میاں آصف علی آرائیں کو گرفتار کرکے جیل بھیج دیا۔

گزشتہ روز ایڈیشنل سیشن جج ہما عنبرین نے کیس کا فیصلہ سناتے ہوئے ملزم میاں آصف علی آرائیں کو سزائے موت اور پانچ لاکھ روپے جرمانے کا حکم سنا دیا ہے۔