- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
بھارت اپنے مفادات کی خاطر خطے کا امن خراب نہ کرے، وزیر خارجہ
ملتان: وزیر خارجہ شاہ محمود قریشی کا کہنا ہے کہ بھارت اپنے مفادات کی خاطر خطے کا امن خراب نہ کرے۔
ملتان میں میڈیا سے بات کرتے ہوئے شاہ محمود قریشی کا کہنا تھا کہ افغان سفیر کی بیٹی کی تسلی کے مطابق ایف آئی آر درج کی گئی، افغان سفیر کی بیٹی جن ٹیکسیوں میں بیٹھی ان کے ڈرائیورز کے بیانات ریکارڈ کیے۔ 700 گھنٹوں کی فوٹیج کا جائزہ لیا گیا اور 250 کے قریب افراد سے شفاف پوچھ گچھ کی گئی ، اب ہم نتیجے کے قریب تک پہنچ چکے ہیں، حتمی نتیجے تک پہنچنےکے لیے افغان سفیر اور ان کی صاحبزادی کا تعاون درکار ہے۔ ہماری درخواست ہے کہ وہ اس کیس کو منطقی انجام تک پہناچانا چاہتے ہیں تو پھر آئیں اور ہمیں فون ڈیٹا تک رسائی دی جائے، اس حوالے سے ہم کچھ بھی پوشیدہ نہیں رکھنا چاہتے، ہم نہیں چاہتے اس معاملے کو پروپیگنڈا کے لیے استعمال کیا جائے۔
وزیر خارجہ نے کہا کہ میں نے افغان ہم منصب سے اپیل کی ہے کہ وہ افغان سفیر واپس بلانے کے فیصلے پر نظر ثانی کریں، ہمیں ایک دوسرے کو اعتماد میں لینا ہے، تاشقند میں الزام تراشیوں کے باوجود وزیر اعظم عمران خان نے افغان صدر اشرف غنی سے ملاقات کی اور مکمل تعاون کا یقین دلایا، افغان قیادت ہمارے ساتھ بیٹھے اور مل کر امن کا راستہ تلاش کریں، ہمارا مقصد افغانستان میں امن ہے۔
داسو ڈیم پر کام بند ہونے کے حوالے سے شاہ محمود قریشی نے کہا کہ پاکستان کے دشمن افواہیں پھیلاتے ہیں، ان کی خواہش ہوسکتی ہے کہ سی پیک کو متاثر کیا جائے لیکن ایسا نہیں ہوگا۔ داسو ڈیم واقعے کی تہہ تک پہنچ چکے ہیں، اس حوالے سے دونوں ملکوں کی تفتیشی ٹیمیں مشترکہ طور پر کام کررہی ہیں، ہم ان قوتوں کو بے نقاب کریں جو نہیں چاہتیں کہ پاکستان میں سرمایہ کاری ہو ، پاکستان اور چین مل کر ان کے عزائم کو خاک میں ملائیں گے۔
وزیر خارجہ نے کہا کہ سعودی جیلوں سے 63 پاکستانیوں کی رہائی پر سعودی عرب کے شکر گزار ہیں، انہوں نے وزیر اعظم کی درخواست پر پاکستانیوں کو رہا کیا ہے، عنقریب سعودی وزیر خارجہ پاکستان کا دورہ کریں گے۔
وزیر خارجہ نے کہا کہ بھارت افغانستان میں امن کے بین الاقوامی ایجنڈے میں رخنہ ڈال رہا ہے، ہم نے بھارت کے ساتھ اچھے تعلقات رکھنے والے ممالک کے وزرائے خارجہ سے بات کی ہے کہ وہ بھارت کو سمجھائیں کہ وہ علاقائی مفادات کی خاطر پوری دنیا کے امن کو داؤ پر نہ لگائے۔ بھارت کا منفی رویہ خطے کے استحکام کے لیے مناسب نہیں۔
بھارتی وزیر خارجہ کی جانب سے پاکستان کو ایف اے ٹی ایف کی گرے لسٹ میں رکھوانے کے اعتراف پر شاہ محمود قریشی نے کہا کہ منی لانڈرنگ کے سد باب اور دہشتگردوں کی مالی معاونت کے حوالے سے پاکستان کے اقدامات کی امریکا نے بھی تعریف کی ہے، دنیا پاکستان کے اقدامات کی تعریف کررہی ہے، افغانستان کے تمام ہمسائے اس وقت پاکستان کے کردار کی تعریف کررہے ہیں لیکن بھارت اس میں رخنے ڈال رہا ہے، بھارت پاکستان کے خلاف افغانستان کی سرزمین استعمال کرنا چاہتا ہے، بھارت دہشت گردی میں ملوث ہے، وہ ریاستی دہشت گردی کو فروغ دے رہا ہے، بھارت کو یکے بعد دیگرے ناکامیاں ہورہی ہیں اور پاکستان کے بین الاقوامی کردار اور مقام میں اضافہ ہورہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔