شلپا شیٹھی کی والدہ کے ساتھ کروڑوں کا فراڈ

ممبئی: بالی ووڈ اداکارہ شلپا شیٹھی کی والدہ سنندا شیٹھی نے اراضی معاملے میں سدھاکر نامی شخص کے خلاف دھوکا دہی کی شکایت درج کروائی ہے۔

اداکارہ شلپا شیٹھی آج کل اپنے شوہر کے فحش فلموں کے کیس کی وجہ سے ویسے ہی قانونی چکر میں پھنسی ہوئی ہیں اور اب ان کی والدہ نے بھی  زمینی معاہدے  کے معاملے میں ایک شخص کے خلاف دھوکا دہی کی  شکایت درج کروائی ہے۔

ممبئی پولیس کے مطابق شلپا شیٹھی کی والدہ سنندا شیٹھی نے سدھاکر گھارے نامی شخص پر  جعلی اراضی کے کاغذات فروخت کرنے کا الزام لگایا ہے۔ ممبئی پولیس نے بتایا کہ سدھاکر نے جعلی کاغذات کی مدد سے  سنندا شیٹھی کو ایک کروڑ 6 لاکھ روپے میں زمین فروخت کی۔ دھوکے سے زمین بیچنے والے شخص کے خلاف انڈین پینل کوڈ کی متعلقہ دفعات کے تحت مقدمہ درج کرلیا گیا۔

یہ بھی پڑھیں: بالی ووڈ اسٹارز اور قریبی دوست شلپا شیٹھی سے اپنی راہیں جدا کرنے لگے

واضح رہے کہ شلپا شیٹھی کے شوہر بزنس مین راج کندرا فحش فلمیں بنانے کے الزام میں  پولیس کی حراست میں ہیں ۔ جب کہ اس کیس کے حوالے سے پولیس شلپا شیٹھی سے بھی دوبار پوچھ گچھ کرچکی ہے۔ تاہم شلپا شیٹھی نے  اپنے شوہر کی کمپنی میں  کسی بھی طرح کی شراکت داری سے انکار کرتے ہوئے کہا ہے کہ وہ  اس طرح کی کسی ایپ سےواقف نہیں تھیں اور نہ ہی وہ کسی  بھی طرح کے فحش مواد بنانے میں شامل ہیں۔

دوسری جانب ممبئی کرائم برانچ نے اداکارہ شلپا شیٹھی  کےفحش فلموں کے اسکینڈل میں ملوث ہونے کے بارے میں کہا ہے کہ ابھی تحقیقات جاری ہیں تاہم انہوں نے اداکارہ کو کلین چٹ نہیں دی ہے۔

Sunanda Shetty, mother of Shilpa Shetty files cheating complaint against a person named Sudhakar Ghare in land deal case

The accused, with the help of fake papers, had sold land to Sunanda for Rs 1.6 crores. Case has been registered under relevant sections of IPC: Mumbai Police

— ANI (@ANI) July 29, 2021