جسٹس فائز کورونا سے صحت یاب ہونے کے بعد گھر پہنچ گئے

اسپیشل رپورٹر  جمعرات 5 اگست 2021
جسٹس قاضی فائز پانچ دن اسپتال میں زیر علاج رہے

جسٹس قاضی فائز پانچ دن اسپتال میں زیر علاج رہے

 اسلام آباد: سپریم کورٹ کے جج جسٹس قاضی فائز عیسی کورونا سے صحت یاب ہونے کے بعد گھر پہنچ گئے۔

جسٹس قاضی فائز عیسی اور ان کی اہلیہ سرینا عیسی 23 جولائی کو کورونا ٹیسٹ مثبت آنے پر گھر میں قرنطینہ ہوگئے تھے ۔ ابتدا میں جسٹس قاضی عیسی گھر پر ہی ڈاکٹرز کی ہدایت کے مطابق قرنطینہ رہے تاہم بعد میں جسٹس قاضی عیسی کو کھانسی اور ریشہ کی شکایت پر ہسپتال منتقل کیا گیا۔

اسپتال میں جسٹس قاضی فائز پانچ دن زیر علاج رہے اور صحت یاب ہونے پر آج گھر منتقل ہو گئے ۔ ذرائع کے مطابق جسٹس قاضی عیسی آئندہ ہفتے سپریم کورٹ میں مقدمات بھی سنیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔