بہادر شہریوں نے بس میں لوٹ مار کرنیوالے ڈاکو کو پکڑ لیا تشدد کے بعد پولیس کے حوالے

شہریوں نے ڈاکو کو شدید تشدد کا نشانہ بنایا پولیس نے مشتعل افراد کے چنگل سے نکال کر ملزم کو طبی امداد کے لیے اسپتال منتقل کیا. فوٹو: فائل

---

نارتھ ناظم آباد میں بہادرشہریوں نے بس میں لوٹ مار کرنے والے ڈاکو کو پکڑ کر شدید تشدد کا نشانہ بنایا ، پولیس نے ملزم کو مشتعل افراد کے چنگل سے نکالا۔

تفصیلات کے مطابق نارتھ ناظم آباد میں میٹرک بورڈ آفس کے قریب مسافر بس میں 2 ڈاکو شہریوں سے لوٹ مار کررہے تھے، شہریوں نے ایک ڈاکوکااسلحہ چھین کر اسے قابو کرلیا جبکہ اس کا ساتھی فرار ہوگیا۔



شہریوں نے ڈاکو کو شدید تشدد کا نشانہ بنایا پولیس نے مشتعل افراد کے چنگل سے نکال کر ملزم کو طبی امداد کے لیے اسپتال منتقل کیا، ایس ایچ او پاپوش نگر رضوان پٹیل نے ایکسپریس کو بتایا کہ ملزم علی ولد شفیع الرحمٰن کو اسپتال میں داخل کرادیا گیا ہے جبکہ اس کے خلاف تحقیقات کا بھی آغاز کردیا گیا ہے۔