سندھ حکومت نے جمعے کے روز بھی مارکیٹیں کھولنے کی اجازت دیدی

تاجر برادری کے مطالبے پر سندھ حکومت نے جمعہ کے روز بھی مارکیٹیں کھولنے کا فیصلہ کیا، ترجمان سندھ حکومت مرتضی وہاب۔ فوٹو :فائل

---

تاجر برادری کے مطالبے پر سندھ حکومت نے جمعہ کے روز بھی مارکیٹیں کھولنے کا فیصلہ کیاہے اور آج مارکیٹیں کھلیں گی۔

ترجمان سندھ حکومت بیرسٹر مرتضی وہاب نے ایکسپریس نیوز سے فون پر گفتگو کرتے ہوئے کہا کہ تاجر برادری کے مطالبے پر سندھ حکومت نے جمعہ کے روز بھی مارکیٹیں کھولنے کا فیصلہ کیاہے اور آج جمعہ کو مارکیٹیں کھلیں گی۔

بیرسٹر مرتضی وہاب نے کہا کہ تاجروں کو آج جمعہ کے روز مارکیٹیں کھولنے کے لئے کہہ دیا گیا ہے، اب ہفتے میں صرف اتوار کو مارکیٹیں بند رہیں گی تاہم تجارتی مراکز میں کورونا ایس او پیز پر عملدرآمد کو یقینی بنانا ہوگا۔