کمال خان نے کنگنا رناوت کو منافق اور سازشی قرار دے دیا

 ممبئی: بھارت کے خودساختہ فلمی ناقد کمال آر خان نے فلم ’تھالے وی‘ کی اداکارہ کنگنا رناوت کو منافق، جھوٹی اور سازشی قرار دے دیا ہے۔

ناقد کمال خان اور اداکارہ کنگنا رناوت دونوں ہی ہمیشہ اپنے بیانات کی وجہ سے خبروں میں رہتے ہیں۔ کمال خان نے کنگنا رناوت کو 4 نیشنل ایوارڈ ملنے پر اپنے ردعمل کا اظہار کیا ہے۔

سماجی رابطے کی ویب سائٹ ٹوئٹر پر فلمی ناقد کمال خان نے اپنے بیان میں کہا ہے کہ بہت سے لوگ سوال اٹھاتے ہیں کہ کنگنا رناوت کو 4 نیشنل ایوارڈز کیسے ملے۔

کمال خان نے کہا کہ دراصل کنگنا رناوت وہ سازشی ہیں جو سیاستدانوں کو قائل کر لیتی ہیں، وہ بڑی منافق اور جھوٹی ہیں جو لوگوں کو بےوقوف بناتی ہیں، کنگنا رناوت اپنی ہر فلم کو ہٹ (Hit) قرار دیتی ہیں، لوگ سمجھتے ہیں وہ معصوم ہیں۔

Many people ask that how Kangana Ranaut has got 4 national awards. Because she is very good manipulator to convince politicians. She is biggest liar and hypocrite to fool public. She cries foul play and calls her every disaster film hit. And Ppl think that she is really Bechari.

— KRK (@kamaalrkhan) October 2, 2021

اس سے ایک روز قبل کے آر کے نے ٹوئٹ کرتے ہوئے کہا تھا کہ کنگنا رناوت کے علاوہ کسی فلمی شخصیت نے مجھے کسی کے خلاف بات کرنے کو نہیں کہا، کنگنا رناوت نے مجھے ہدایت کار کرن جوہر کے خلاف بات کرنے کو کہا۔

کمال خان نے کہا کہ میرے پاس کنگنا رناوت کے تمام ایس ایم ایس بطور ثبوت موجود ہیں لیکن میں انہیں عام نہیں کروں گا، کیونکہ میں نے آج تک ایسا نہیں کیا اور مستقبل میں بھی نہیں کروں گا۔  

Till date no filmwala has asked me to say bad about other filmwala except #KanganaRanaut who asked me to say many things bad about #KaranJohar. I m having her all SMS as proof but I will never public that chat. I have never revealed anyone chat till date n I won’t do it in future

— KRK (@kamaalrkhan) October 1, 2021