این سی بی نے آریان خان کو ’’سپر ڈوپر اسٹار‘‘ بنادیا، رام گوپال ورما

ممبئی: بھارتی فلم ہدایت کار رام گوپال ورما کا کہنا ہے کہ این سی بی نے شاہ رخ خان کے بیٹے آریان خان کو ’’سپر ڈوپر اسٹار‘‘ بنا دیا ہے۔

منشیات کیس میں گرفتار ’کنگ خان‘ شاہ رخ خان کے بیٹے آریان خان کی گزشتہ روز بھی ضمانت نہیں ہوسکی اور اب آریان کے لیے آواز اٹھانے والوں میں بھارت کا ایک اور مشہور نام شامل ہوگیا ہے۔

یہ بھی پڑھیں: جیل حکام آریان خان کی صحت کے حوالے سے تشویش کا شکار

ہدایت کار رام گوپال ورما نے گزشتہ روز آریان خان کی ضمانت نہ ہونے پر اپنے ٹوئٹر میں کہا تھا کہ  شاہ رخ خان کے تمام حقیقی اور ذہین مداحوں کو این سی بی کا شکرگزار ہونا چاہیے کیونکہ انہی کی وجہ سے سپر اسٹار شاہ رخ خان کے بیٹے ’’سپر ڈوپر اسٹار‘‘ بن گئے۔ میں شاہ رخ خان کا حقیقی پرستار ہونے کی حیثیت سے صرف ’’جے۔۔ این سی بی‘‘ کا نعرہ لگاتا ہوں۔

https://twitter.com/RGVzoomin/status/1448322923622637568

رام گوپال ورما نے ایک اور ٹوئٹ میں کہا کہ میں شرطیہ کہتا ہوں کہ آنے والے مستقبل میں آریان خان کہیں گے کہ انہوں نے اپنے والد کی نسبت این سی بی سے اور جیل میں زندگی کے متعلق بہت کچھ سیکھا۔

I will take a bet that in the coming future Aryan khan will say he learnt about life much more in jail and from NCB than from his own father @iamsrk

— Ram Gopal Varma (@RGVzoomin) October 13, 2021

رام گوپال ورما کا مزید کہنا تھا کہ شاہ رخ خان نے اپنے بیٹے کو صرف سپر اسٹار بنایا لیکن این سی بی نے اسے زندگی کا دوسرا پہلو دکھایا جہاں وہ اپنے والد کے کنٹرول سے باہر ہیں۔ اس طرح آریان کو زمینی حقائق کو سمجھ کر اپنی کارکردگی اور اپنی شخصیت کو لاجواب بنانے میں مدد ملے گی۔

The @iamsrk made his son a super star just by being his father but NCB is making him a SUPER SENSITIVE ACTOR by showing other side of life not controlled by his father thereby making him understand ground realities to bring in terrificness into his performances and personality

— Ram Gopal Varma (@RGVzoomin) October 13, 2021

یہ بھی پڑھیں: شاہ رخ خان کا بیٹا ہونے کی وجہ سے آریان کو نشانہ بنایا جارہا ہے

واضح رہے کہ گزشتہ روز منشیات کیس میں گرفتار کنگ خان کے بیٹے آریان خان کی این سی بی کے وکیل کے دلائل مکمل نہ ہونے کی وجہ سے ضمانت نہیں ہوسکی تھی اور سماعت آج تک کے لیے ملتوی کردی گئی تھی۔ آج ایک بار پھر آریان خان کی درخواست ضمانت پر سماعت ہوگی۔