میڈم نورجہاں کے بارے میں دئیے گئے بیان کے بعد گلوکار علی عظمت پر تنقید

کراچی: گلوکار علی عظمت کے ملکہ ترنم نورجہاں کی شخصیت کے بارے میں دئیے جانے والے بیان پر سوشل میڈیا پر ان پر تنقید کی جارہی ہے۔

گلوکار علی عظمت نے چند روز قبل ایک شو کے دوران میڈم نورجہاں کی ظاہری شخصیت کے بارے میں کہا تھا کہ ان کے بچپن میں رات میں ٹی وی پر ایک شو لگتا تھا جس میں میڈم نورجہاں ساڑھی اور بڑے بڑے بندے پہن کے، اوور میک اپ کرکے گانا گاتی تھیں اور مجھے ان ’’مائی‘‘ سے ’’چڑ‘‘ چڑھتی تھی کہ ضروری ہے ہم یہ دیکھیں۔
علی عظمت کے میڈم نورجہاں کے بارے میں دئیے گئے ان ریمارکس کی وجہ سے سوشل میڈیا پر ان پر شدید تنقید کی جارہی ہے۔ گلوکار عاصم اظہر نے علی عظمت پر تنقید کرتے ہوئے کہا اگر آپ فن کا احترام نہیں کرتے تو فن بھی آپ کی عزت نہیں کرے گا۔

If you don’t respect the art, the art won’t respect you.

— Asim Azhar (@AsimAzharr) October 21, 2021

دیگر افراد نے بھی علی عظمت پر تنقید کی ہے۔