- غزہ میں اسرائیل کی جارحیت جاری رہی تو جنگ بندی معاہدہ نہیں ہوگا، حماس
- اسٹیل ٹاؤن میں ڈکیتی مزاحمت پر شہری کا قتل معمہ بن گیا
- لاہور؛ ضلعی انتظامیہ اور تندور مالکان کے مذاکرات کامیاب، ہڑتال موخر
- وزیراعظم کا 9 مئی کو شہدا کو خراج عقیدت پیش کرنے کیلئے تقریب کے انعقاد کا فیصلہ
- موبائل سموں کی بندش کے معاملے پر موبائل کمپنیز اور ایف بی آر میں ڈیڈ لاک
- 25 ارب کے ٹریک اینڈ ٹریس ٹیکس سسٹم کی ناکامی کے ذمہ داروں کا تعین ہوگیا
- وزیر داخلہ کا ملتان کچہری چوک نادرا سینٹر 24 گھنٹے کھلا رکھنے کا اعلان
- بلوچستان کے مستقبل پر تمام سیاسی قوتوں سے بات چیت کرینگے، آصف زرداری
- وزیراعظم کا یو اے ای کے صدر سے ٹیلیفونک رابطہ، جلد ملاقات پر اتفاق
- انفرااسٹرکچر اور اساتذہ کی کمی کالجوں میں چار سالہ پروگرام میں رکاوٹ ہے، وائس چانسلرز
- توشہ خانہ کیس کی نئی انکوائری کیخلاف عمران خان اور بشری بی بی کی درخواستیں سماعت کیلیے مقرر
- فاسٹ ٹریک پاسپورٹ بنوانے کی فیس میں اضافہ
- پیوٹن نے مزید 6 سال کیلئے روس کے صدر کی حیثیت سے حلف اٹھالیا
- سعودی وفد کے سربراہ سے کابینہ کی تعریف سن کر دل باغ باغ ہوگیا، وزیر اعظم
- روس میں ایک فوجی اہلکار سمیت دو امریکی شہری گرفتار
- پاسکو کی گندم خریداری کا ہدف 14 لاکھ ٹن سے 18 لاکھ ٹن کرنے کی منظوری
- نگراں دور میں گندم درآمد کی مکمل ذمہ داری لیتا ہوں، انوار الحق کاکڑ
- ایم کیوایم پاکستان نے پیپلزپارٹی سے 14 قائمہ کمیٹیوں کی چیئرمین شپ مانگ لی
- پاک-ایران گیس پائپ لائن پر ہر فیصلہ پاکستان کے مفاد میں کیا جائے گا، نائب وزیراعظم
- ڈالر کے انٹر بینک اور اوپن مارکیٹ ریٹ کم ہوگئے
غیرملکی کوچز نے کرکٹرز کے دل میں گھر کرلیا
کراچی: میتھیو ہیڈن اور ورنون فلینڈر نے پاکستانی کرکٹرز کے دل میں گھر کرلیا جب کہ دونوں کوچز سے ٹیم خاصی خوش ہے۔
چیئرمین پی سی بی رمیز راجہ نے اپنی پہلی ہی میڈیا کانفرنس میں ورلڈکپ کیلیے میتھیو ہیڈن کو بیٹنگ اور ورنون فلینڈر کو بولنگ کوچ مقرر کرنے کا اعلان کیا تھا، ٹیم ذرائع کے مطابق کرکٹرز سابق آسٹریلوی اور پروٹیز اسٹارز کے کام سے مطمئن ہیں، دونوں کا سب کے ساتھ سلوک یکساں ہے۔
ایک آفیشل نے بتایا کہ ہیڈن کی تو یو اے ای میں ہی پلیئرز سے پہلی ملاقات ہوئی تھی لیکن وہ جلد ہی ان میں گھل مل گئے، انھوں نے کسی کی تکنیک وغیرہ میں تبدیلی کیلیے کوشش سے گریز کیا، بس بنیادی باتیں بتائیں اور اصل کام اعتماد بڑھانے کاکیا، چاہے بابر اعظم ہوں یا کوئی جونیئر کرکٹر ہیڈن سب کو یکساں عزت اورتوجہ دے رہے ہیں،اسی طرح فلینڈرکا رویہ بھی سب کے ساتھ اچھا ہے، وہ لاہور میں ٹیم کے ساتھ چند دن کام کر چکے تھے۔
ذرائع نے مزید بتایا کہ پلیئرز مصباح الحق اور وقار یونس کی کمی محسوس نہیں کر رہے اور موجودہ کوچز کے ساتھ ایڈجسٹ ہو گئے ہیں، لینگوئج کے حوالے سے بھی زیادہ مسائل پیش نہیں آرہے کیونکہ کرکٹ کے حوالے سے باتیں سمجھانے کیلیے کسی خاص زبان کی ضرورت نہیں ہوتی،جہاں کھلاڑی مشکل محسوس کریں توکوچنگ اسٹاف میں شامل پاکستانی آفیشلز مدد کیلیے سامنے آ جاتے ہیں، عبوری ہیڈ کوچ ثقلین مشتاق نے بھی سب کو بیحد متاثر کیا ہے۔
ذرائع نے بتایا کہ ہیڈن اور فلینڈر سے طویل المدتی معاہدے کا امکان کم ہے،سابق آسٹریلوی اسٹار اپنی دیگر مصروفیات کی وجہ سے خود بھی دلچسپی نہیں رکھتے، البتہ مختصر وقت کیلیے کام کرنے کو آئندہ بھی دستیاب ہوں گے۔
واضح رہے کہ پی سی بی آئندہ چند روز میں کوچز کیلیے اشتہار جاری کرنے والا ہے۔
دوسری جانب ایک اور آفیشل کا کہنا ہے کہ چونکہ ابھی ٹیم جیت رہی ہے اس لیے کوچز پر کوئی دباؤ نہیں، ان کا اصل امتحان اسی وقت ہوگا جب نتائج حق میں نہ ہوں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔