امریکا میں سات فٹ لمبے اژدھے کا 100میل کا سمندری سفر

سات فٹ لمبا اژدھا کشتی کے شاور میں چھپا ہوا تھا

پير 15 نومبر 2021

پولیس نے اژدھے کووائلڈ لائف حکام کےحوالے کردیا:فوٹو:فائل

امریکا میں سمندری سفرکے شوقین اژدھے نے سومیل کا سفرطے کرلیا۔

امریکی خبررساں ادارے کے مطابق امریکی ریاست فلوریڈا میں سات فٹ لمبے تفریح کے شوقین اژدھے نے کشتی میں چھپ کرسومیل کا سفرطے کرلیا۔

رپورٹ کے مطابق کشتی کے عملے کو اژدھے کی موجودگی کا علم منزل مقصود پرپہنچ کرہوا۔سات فٹ لمبا اژدھا کشتی کے شاور میں چھپ کرسفرکے مزے لے رہا تھا۔

کشتی میں اژدھے کا پتا چلتے ہی عملے نے پولیس کومطلع کیا جس نےفوری کارروائی کرتے ہوئے اژدھے کو کشتی سے نکال کروائلڈ لائف حکام کے حوالے کردیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔