آزاد کشمیر میں زخمی چیتے کا کامیاب ریسکیو

مظفرآ باد: آزاد کشمیر میں تیز رفتار گاڑی کی ٹکر سے زخمی ہونے والے چیتے کو ریسکیو کرلیا گیا۔

ایکسپریس نیوز کے مطابق کشمیر کے علاقے نیلم ویلی میں گاڑی کی ٹکر سے زخمی ہونے والے چیتے کو محکمہ وائلڈلائف نے ریسکیو کیا جسے علاج کے لیے اسلام آباد منتقل کیا گیا ہے۔

آزاد کشمیر میں مادہ چیتا گاڑی کی ٹکر سے زخمی ہونے کے بعد دریائے نیلم کے پاس نوسادا نامی پہاڑی علاقے میں دیکھا گیا تھا۔ مقامی شہریوں نے اپنی مدد آپ کے تحت جانور کو ریسکیو کرنے کی کوشش کی۔

In a terrible accident, a beautiful leopard was hit by a vehicle in the mountainous roads of Neelum Valley. The injured leopard lay by a stream as bystanders took photographs with it.

For more, visit: https://t.co/Z921GRGn7q#etribune #news #leopard #neelumvalley pic.twitter.com/bNt9WKnQzY

— The Express Tribune (@etribune) January 22, 2022

عینی شاہدین کا کہنا تھا کہ وہ چیتے کو اس قدر زخمی دیکھ کر حیران رہ گئے، اس کی ٹانگیں ناکارہ لگ رہی تھیں جس کے باعث وہ چلنے کے بھی قابل نہیں تھا۔

انہوں نے بتایا کہ ہم نے چیتے کو مرغی کا گوشت کھلانے کی بھی کوشش کی لیکن ناکام رہے۔

بعد ازاں محکمہ جنگلات کے عملے نے جانور کو ریسکیو کیا اور بتایا کہ چیتے کی ریڑھ کی ہڈی متاثر ہوئی جس کے باعث وہ چلنے کے قابل نہیں ہے۔