پی ٹی اے کی موبائل ڈیوائسز پر ٹیکس وصولی سے متعلق ’خبروں‘ کی وضاحت

 اسلام آباد: پاکستان ٹیلی کمیونیکیشن اتھارٹی (پی ٹی اے) نے سیلولر موبائل ڈیوائسز اور ہینڈ سیٹس کی رجسٹریشن پر ٹیکسز اور ڈیوٹیز میں اضافے کی وضاحت کردی۔

پی ٹی اے کی جانب سے سماجی روابط کی ویب سائٹ ٹوئٹر پر متعدد ٹوئٹس کی گئی جس میں کہا گیا کہ پی ٹی اے موبائل ڈیوائس کی رجسٹریشن کے لیے اپنا ڈیوائس آئیڈینٹی فکیشن اینڈ رجسٹریشن ڈیٹا بیس (ڈی آئی آر بی ایس) سسٹم عام لوگوں کی سہولت کے لیے بغیر کسی چارجز کے پیش کررہا ہے۔

پی ٹی اے نے مزید واضح کیا کہ اس کا ٹیکس جمع کرنے کے طریقہ کار سے کوئی تعلق نہیں ہے۔

Clarification: In the wake of recent increase in taxes/duties for the registration of cellular mobile devices and handsets, PTA wishes to clarify the misperception about “PTA Tax”. These taxes and duties are applied and collected by Federal Board of Revenue (FBR) directly.

— PTA (@PTAofficialpk) January 24, 2022

پی ٹی اے کے مطابق ادارہ صرف ڈی آئی آر بی ایس کی شکل میں تکنیکی مدد فراہم کرتا ہے جس کے ذریعے درخواست دہندگان اپنے موبائل آلات کو پاکستان میں استعمال کے لیے رجسٹر کر سکتے ہیں۔

پی ٹی اے نے کہا کہ فیڈرل بورڈ آف ریونیو (ایف بی آر) پورے ملک میں ٹیکس جمع کرنے کا ذمہ دار ہے۔

ٹیلی کمیونیکیشن اتھارٹی نے کہا کہ اس عمل میں جمع ہونے والے ٹیکسز اور ڈیوٹی کا اطلاق ایف بی آر کے ذریعے کیا جاتا ہے اور براہ راست ایف بی آر کے پاس جمع ہوتا ہے۔

It is further clarified that PTA is offering its Device Identification and Registration Database (DIRBS) system for mobile device registration, without any charges for the facilitation of general public.

— PTA (@PTAofficialpk) January 24, 2022

پی ٹی اے نے ٹیکس کے سلسلے میں مزید معلومات کے لیے اپنی ویب سائٹ کا یو آر ایل بھی شیئر کیا۔

ادارے نے واضح کیا کہ مختلف ڈیوائسز کی رجسٹریشن پر موجودہ قابل اطلاق ٹیکسز اور ڈیوٹیز کے لیے درخواست گزار ایف بی آر کی ویب سائٹ https://www.fbr.gov.pk/mobile-devices-regularization-dirbs/51149/131261 پر جا سکتا ہے۔