شہباز شریف اور حمزہ کی منی لانڈرنگ کیس میں ضمانت منظور

ویب ڈیسک  جمعرات 27 جنوری 2022
ایف آئی اے نے بے بنیاد مقدمہ درج کیا ہے، خدشہ ہے کہ حکام کیس میں گرفتار کر لیں گے، درخواست

ایف آئی اے نے بے بنیاد مقدمہ درج کیا ہے، خدشہ ہے کہ حکام کیس میں گرفتار کر لیں گے، درخواست

 لاہور: پاکستان مسلم لیگ ن کے صدر شہباز شریف اور ان کے بیٹے حمزہ شہباز نے ایف آئی اے منی لانڈرنگ مقدمے میں درخواست ضمانت دائر کر دی۔

قائد حزب اختلاف شہباز شریف اور حمزہ شہباز نے اسپیشل سینٹرل کورٹ لاہور میں درخواست ضمانت دائر کی جس میں انہوں نے موقف اختیار کیا کہ ایف آئی اے نے ان کے خلاف شوگر کاروبار کے ذریعے منی لانڈرنگ کرنے کا بے بنیاد مقدمہ درج کیا ہے، خدشہ ہے کہ ایف آئی اے حکام کیس میں انہیں گرفتار کر لیں گے۔

انہوں نے عدالت سے استدعا کی کہ عدالت عبوری ضمانت منظور کر کے ایف آئی اے کو گرفتاری سے روکے۔

عدالت نے شہباز شریف اور حمزہ شہباز کی یکم فروری تک عبوری ضمانت منظور کرلی اور انہیں 2، 2 لاکھ روپے کے مچلکے جمع کروانے کا حکم دے دیا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔