- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
- اعمال حسنہ رمضان الکریم
- قُرب الہی کا حصول
- رمضان الکریم ماہِ نزول قرآن حکیم
- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
صحافی حسنین شاہ کو لین دین کے معاملے پر قتل کیا گیا، ڈی آئی جی آپریشنز
لاہور: ڈی آئی جی آپریشنز ڈاکٹر عابد خان کا کہنا ہے کہ سینئر صحافی حسنین شاہ کو لین دین کے معاملے پر قتل کیا گیا۔
ڈی آئی جی آپریشنز عابد خان کے ہمراہ پریس کانفرنس کرتے ہوئے سی سی پی او لاہور کا کہنا تھا کہ پانچ روز قبل قتل ہونے والے سینئر صحافی حسنین شاہ کے قتل میں ملوث ملزمان کو گرفتار کرلیا گیا۔ ڈی آئی جی آپریشنز ڈاکٹر عابد خان نے کہا کہ صحافی حسنین شاہ کا قتل ایک انتہائی افسوناک واقعہ تھا، جس کی وجہ سے صحافی برداری اور لاہور کے شہریوں میں خوف و ہراس پھیلا۔
اس خبرکوبھی پڑھیں: نامعلوم افراد کی فائرنگ سے صحافی جاں بحق
ڈاکٹر عابد خان نے کہا کہ لاہور پولیس کے افسران نے جدید ٹیکنالوجی کو بروئے کار لاتے ہوئے شب و روز انتھک محنت کرکے اندھے قتل میں ملوث ملزمان کو گرفتار کرکے زیر استعمال گاڑی اور اسلحہ کو برآمد کیا۔ عامر بٹ اور مقتول صحافی کے لین دین کے معاملے میں شدید تلخ کلامی ہوئی، جس کی رنجش کی بناء پر گرفتار ملزم عامر بٹ نے اپنے بھائی شاہد بٹ اور دوست فرحان شاہ کے ساتھ مل کر قتل کرنے کا منصوبہ بنایا، واردات کی ساری پلاننگ گرفتار ملزم عامر بٹ نے کی۔
ڈی آئی جی آپریشنز نے بتایا کہ عامر بٹ نے حیدر شاہ کو بذریعہ گاڑی شوٹر کو پہنچانے اور امجد پاشا کو اسلحہ فراہم اور مقتول کی نشاندہی کی ذمہ داری دی، گرفتار ملزم فرحان شاہ نے عامر بٹ کے کہنے پر شوٹر کو 5 لاکھ کے عوض ہائیر کیا، واقعہ میں ملوث شوٹرز سابقہ ریکارڈ یافتہ ہیں، وقوعہ میں استعمال ہونے والی گاڑی کار LE-12-5578، موٹر سائیکل نمبر CD-70-LEL-18/C 7737 برآمد کرلی گئی ہے، گرفتار ملزمان میں عامر بٹ مالک گولڈ ایشیا جیولر، فرحان شاہ،امجد پاشا، سید حیدر عباس شامل ہیں، مفرور ملزمان زین عرف عبداللہ (شوٹر)، یاسر عر ف رگو(شوٹر)، سید طاہر شاہ، شاہد بٹ(بھائی عامر بٹ)، مفرور ملزمان کی گرفتاری کے لئے ٹیمیں کوشش کر رہی ہیں تمام وسائل کو بروئے کار لایا جارہا ہے۔
ڈی آئی جی آپریشنز ڈاکٹر عابد خان نے کہا کہ لاہور پولیس شہریوں کی جان و مال کے تحفظ کے لئے ہمہ وقت موجود ہے، اس کار خیر کو انجام دینے کے لیے تمام کو ششیں عمل میں لائی جائیں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔