راشد لطیف کشمیر پریمیئر لیگ کے ساتھ وابستہ ہوگئے

 لاہور: پاکستان کرکٹ ٹیم کے سابق کپتان راشد لطیف کشمیر پریمیئر لیگ کے ساتھ وابستہ ہوگئے۔

راشد لطیف کا کہنا ہے کہ کے پی ایل پاکستان سپر لیگ کے بعد دوسری بڑی لیگ ہے، پہلا ایونٹ بہت زبردست رہا جس میں پاکستان کے ساتھ  باہر سے بھی معروف کھلاڑیوں نے حصہ لیا، لیگ کو جوائن کرنے کا مقصد نوجوان کرکٹرز کو سامنے لاکر انہیں خود کو منوانے کا موقع فراہم کرنا ہے۔

Former Captain, Rashid Latif appointed as the Director Cricket Operations of Kashmir Premier League #KPLlove #KPLseason2 #KPL2022 #Kheloazadise pic.twitter.com/WvF93I4UmJ

— Kashmir Premier League (@kpl_20) May 9, 2022

انہوں نے ڈائریکٹر کرکٹ آپریشنز کے طور پر سیزن ٹو کے لیے لیگ کے ساتھ معاہدہ کیا ہے۔

واضح رہے کہ راشد لطیف پاکستان کرکٹ ٹیم کے سابق کپتان کے ساتھ ساتھ قومی ٹیم کے بہترین وکٹ کیپر بھی رہے ہیں۔