ایشیا کپ افغانستان کے خلاف بھارتی اسکواڈ میں تبدیلیاں نہ ہونے پر سنیل گواسکر برہم

بھارتی ٹیم ایشیا کپ فائنل کی دوڑ سے باہر ہوچکی جبکہ مدمقابل افغانستان جیسی کمزور ٹیم تھی، سنیل گاوسکر فوٹو: اے ایف پی/فائل

---

ایشیا کپ میں افغانستان کے خلاف میچ کے لئے بھارتی ٹیم میں تبدیلیاں نہ ہونے پر سابق بھارتی کپتان سنیل گاوسکر برہم ہوگئے۔

بھارتی میڈیا میں اپنے ایک تبصرے کے دوران سنیل گواسکر نے کہا کہ منظور نظر کھلاڑیوں کو بچانے کے لئے غیرتبدیل شدہ الیون کو کھلایا گیا، اس وقت چتیشور پجارا اور ایشور پانڈے جیسے کھلاڑی موقع کے انتظار میں باہر بیٹھے ہیں لیکن ٹیم مینجمنٹ کو اس بات کا خوف ہے کہ اگر ان کھلاڑیوں کو موقع دے دیا اور انھوں رنز بنالئے یا پھر وکٹیں لے لیں تو ان کے چہیتے کھلاڑیوں کا کیا بنے گا، جوکافی عرصے سے کارکردگی دکھائے بغیر ٹیم میں جگہ برقرار رکھے ہوئے ہیں، انھوں نے کہا کہ بھارتی ٹیم ایشیا کپ فائنل کی دوڑ سے باہر ہوچکی جبکہ مدمقابل افغانستان جیسی کمزور ٹیم تھی، اس کے باوجود نئے کھلاڑیوں کو صلاحیتوں کے اظہار کا موقع نہ ملنا افسوسناک ہے۔