دورہ سری لنکا سے قبل وارم اپ میچ، قومی ٹیم کا پہلے دن کا کھیل ختم

 راولپنڈی: دورہ سری لنکا سے قبل قومی ٹیسٹ اسکواڈ کی تیاریاں جاری ہیں اور اسی سلسلے میں وارم اپ میچ کھیلا جارہا ہے۔

راولپنڈی کرکٹ اسٹیڈیم میں آج 45 اوورز کا وارم اپ میچ کھیلا گیا، مڈل آرڈر بلے باز فواد عالم نے بھی کیمپ جوائن کرلیا، بلے بازوں نے سری لنکن اسپنرز کا مقابلہ کرنے کے لیے خصوصی مشقیں کیں، دوسرے دن کا کھیل کل صبح 9 بجے شروع ہوگا۔

پاکستان ٹیسٹ اسکواڈ نے پہلے روز کا وارم اپ میچ راولپنڈی کرکٹ اسٹیڈیم میں کھیلا، 18 کھلاڑیوں پر مشتمل ٹیسٹ اسکواڈ میں اسپنر یاسر شاہ کی واپسی ہوچکی ہے، یاسر شاہ نے پہلے دن اسپن بولنگ کی خوب پریکٹس کی، نائب کپتان کیپر محمد رضوان، اظہر علی اور شان مسعود کاؤنٹی کرکٹ میں مصروفیت کے باعث ٹریننگ کیمپ میں شریک نہیں ہوسکے۔

Some glimpses from the opening day of the two-day practice game in Rawalpindi 🏏

The Pakistan Test squad is preparing for next month’s tour of Sri Lanka.#BackTheBoysInGreen | #SLvPAK pic.twitter.com/5JgGuOo0EV

— PCB Media (@TheRealPCBMedia) June 27, 2022

وارم اپ میچ میں عبداللہ شفیق اور امام الحق نے اوپننگ کی تھی، کپتان بابر اعظم اور فواد عالم نے وارم اپ میچ کے دوران سری لنکن اسپنرز کا سامنے کرنے کے لیے خصوصی مشقیں کیں۔ امام الحق اور محمد نواز نے شاہین شاہ آفریدی کی فاسٹ بولنگ کا سامنا کیا اور بہترین اسٹروکس کھیلے۔

پی سی بی حکام کا کہنا تھا کہ راولپنڈی میں درجہ حرارت زیادہ ہونے کے باوجود پاکستانی اسکواڈ میں شامل تمام کھلاڑی سری لنکن ٹیم سے مقابلے کے لیے خوب پریکٹس کررہے ہیں، وام اپ میچ دوسرے دن کا کھیل کل صبح 9 بجے پنڈی کرکٹ اسٹیڈیم میں کھیلا جائے گا، وارم اپ میچ کے دوران کھلاڑیوں نے فیلڈنگ اور مختلف پوزیشنز میں کیچ کی بھی پریکٹس کی، اس موقع پر پولیس نے سیکورٹی کے خصوصی انتظامات کررکھےتھے۔