یوکرائن میں شاپنگ سینٹر پر روسی میزائل حملے میں 11 افراد ہلاک

کہف: وسطی یوکرائن کے شہر میں واقع شاپنگ سینٹر پر روسی میزائل کے حملے میں 11 افراد ہلاک اور 40 زخمی ہوگئے۔ 

الجزیرہ کی رپورٹ کے مطابق سینیئر حکام نے بتایا کہ کریمینچوک نامی شہر میں واقع ایک شاپنگ سینٹر کو نشانہ بنایا گیا، حملے کے نتیجے میں متعدد افراد ہلاک ہوگئے جبکہ پورے شاپنگ سینٹر کو آگ نے اپنی لپیٹ میں لے لیا۔

اس حوالے سے وسطی پولٹاوا ریجن کے گورنر ڈیمیٹرو لونن نے ٹیلی گرام پر بتایا کہ شاپنگ سینٹر پر دو میزائل حملے ہوئے جس میں اب تک 11 افراد کی ہلاکت کی تصدیق ہو چکی ہے۔ انہوں نے مزید لاشوں کے ملنے کا امکان ظاہر کیا ہے۔

Another act of the russian genocide of the Ukrainian people. This time the ruscists targeted a mall in #Kremenchuk, in the afternoon when it is always especially crowded. The war criminals wanted to kill the civilians, deliberately aiming for the maximum number of casualties. pic.twitter.com/3PbCnjc7PU

— Defence of Ukraine (@DefenceU) June 27, 2022

انہوں نے بتایا کہ یہ شہریوں کے خلاف دہشت گردی کی کارروائی ہے، قریب میں کوئی فوجی ہدف نہیں تھا جس پر روس نشانہ بنا سکتا ہو۔ دوسری جانب فائر فائٹرز اور فوجیوں کو دھات کے ٹوٹے ہوئے ٹکڑوں کو ہٹاتے ہوئے دیکھا گیا جب وہ زندہ بچ جانے والوں کی تلاش کر رہے تھے۔

علاقائی ریسکیو سروس کے سربراہ نے ٹیلی ویژن پر کہا کہ ہمیں سمجھ نہیں آ رہی کہ ملبے کے نیچے کتنے لوگ باقی رہ سکتے ہیں۔