جشن آزادی کے موقع پر گوگل نے پاکستانی پرچم کے رنگ سجالیے

جشن آزادی کے موقع پر مبارک باد پیش کرتے ہوئے گوگل نے اپنے سرچ انجن پر فریئر ہال کی تصویر لگادی

ویب ڈیسک اتوار 14 اگست 2022

کیلیفورنیا: پاکستان کے 75 ویں یوم آزادی کے موقع پر گوگل نے اپنے ڈوڈل پر پاکستانی پرچم کے رنگ سجا لیے۔

پاکستان کے 75 ویں یوم آزادی کے موقع پرجہاں ملک بھر میں جشن کا سماء ہے وہیں گوگل نے بھی پاکستان کے جشن آزادی کے موقع پر مبارک باد پیش کرتے ہوئے اپنے سرچ انجن پر فریئر ہال کی تصویر لگادی۔

واضح رہے اس سے قبل بھی گوگل مختلف مواقع پر پاکستان کے حوالے سے خصوصی ڈوڈلز جاری کرچکا ہے۔