شاداب کیچز ڈراپ کرنے پر نادم، شکست کی ذمہ داری قبول کرلی

کراچی: شاداب خان کیچز ڈراپ کرنے پر نادم ہیں جب کہ شکست کی ذمہ داری قبول کرلی۔

قومی آل راؤنڈر شاداب خان نے سری لنکا کیخلاف فائنل میں ناکامی پر کہا کہ کیچز پکڑ کر ہی میچزجیتے جاتے ہیں، میں معافی چاہتا ہوں، آج کی شکست کی ذمہ داری قبول کرتا ہوں، میں نے آج ٹیم کو مایوس کیا، انھوں نے نسیم شاہ، حارث رؤف اور محمد نواز کی ستائش کی، محمد رضوان نے بھی بہت اچھی کوشش کی، پوری ٹیم نے اپنی پوری کوشش کی، ٹائٹل کامیابی پر سری لنکا کو مبارکباد پیش کرتا ہوں۔

خیال رہے کہ شاداب کے ہاتھوں راجاپکسے کے دو کیچز ڈراپ ہوئے تھے۔