لاہور؛ شوہر نے بیوی  کو قتل کرکے اپنے گلے پر چھری پھیر لی

ویب ڈیسک  منگل 27 ستمبر 2022
ابتدائی اطلاعات کے مطابق واقعہ میاں بیوی میں جھگڑے کے دوران پیش آیا (فوٹو فائل)

ابتدائی اطلاعات کے مطابق واقعہ میاں بیوی میں جھگڑے کے دوران پیش آیا (فوٹو فائل)

 لاہور: ہربنس پورہ کے علاقے کنال بینک روڈ پر میاں بیوی کے درمیان جھگڑا ہوگیا، جس میں شوہر نے اہلیہ کو قتل کرنے کے بعد خودکشی کی کوشش کی۔

ایکسپریس نیوز کے مطابق 35 سالہ غلام شبیر نے طیش میں آکر اپنی 30 سالہ بیوی کے سر میں فائر کرکے قتل کردیا۔  ایدھی ترجمان کا کہنا ہے کہ بیوی کو قتل کرنے کے بعد شوہر نے اپنے گلے پر چھری پھیر کر خودکشی کی کوشش کی، تاہم اسے حراست میں لے کر زخمی حالت میں اسپتال منتقل کیا گیا ہے۔

شوہر کے ہاتھوں قتل ہونے والی خاتون کی شناخت منظوراں کے نام سے ہوئی ہے۔ پولیس اطلاع ملتے ہی جائے وقوع پر پہنچی جب کہ فرانزک ٹیم نے شواہد اکٹھے کرلیے۔ ضروری قانونی کارروائی کے بعد لاش کو ایدھی رضاکاروں کے ذریعے مردہ خانے منتقل کردیا کردیا گیا۔

پولیس نے مقتولہ کی بہن پروین بی بی کی مدعیت میں غلام شبیر کے خلاف مقدمہ درج کرکے واقعے کی مزید تفتیش شروع کردی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔