لاہور میں بیوی کے قتل کے 15 سال بعد مقدمہ درج، شوہر گرفتار

ویب ڈیسک  جمعرات 29 ستمبر 2022
ملزم ریاست علی نے 15 سال پہلے بیوی کو قتل کرکے لاش کے ٹکڑے کرکے مختلف جگہوں پر پھینکے تھے

ملزم ریاست علی نے 15 سال پہلے بیوی کو قتل کرکے لاش کے ٹکڑے کرکے مختلف جگہوں پر پھینکے تھے

 لاہور: تھانہ چوہنگ میں 15 سال بعد خاتون کے قتل کی ایف آئی آر درج کرلی گئی۔

ریاست علی نے تبسم شہزادی کے ساتھ پسند کی شادی کی تھی۔ ملزم نے بیوی کے قتل کی واردات کی لیکن واقعے کی نہ ایف آئی آر درج ہوئی نہ لاش ملی ۔ ملزم ریاست علی نے 15 سال پہلے بیوی کو قتل کرکے لاش کے ٹکڑے کرکے مختلف جگہوں پر پھینکے تھے۔

تبسم شہزادی کے گھر والوں نے 15 سال تک بیٹی سے رابطہ نا ہونے پر شک کا اظہار کیا۔ خاتون کی ماں اور بہن نے ملزم کو شبہ کی بنیاد پر گرفتار کروایا۔ ملزم نے گرفتاری کے بعد پولیس کی حراست میں اعتراف جرم کیا۔

ایس پی اقبال ٹاؤن آپریشن نے ملزم کا بیان سنا۔ پولیس انویسٹی گیشن میں پتہ چلا ملزم ہی بیوی کا قاتل ہے لیکن مقدمہ درج نہیں ہوا۔ قتل کے 15سال بعد قاتل کے گرفتار ہونے پر مقتولہ کی ماں حفیظاں بی بی کی مدعیت میں ایف آئی آر درج کی گئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔