حیدر علی طبیعت میں بہتری کے بعد اسپتال سے ڈسچارج

اسپورٹس رپورٹر  ہفتہ 1 اکتوبر 2022
فوٹو فائل

فوٹو فائل

 لاہور: قومی ٹیم کے بلے باز حیدر علی کو طبیعت میں ہہتری کے بعد ڈاکٹرز نے انہیں اسپتال سے جانے کی اجازت دے دی۔

 

پاکستانی ٹیم کے میڈیا مینجر کے مطابق نوجوان بیٹر حیدر علی وائرل انفیکشن کا شکار ہوگئے تھے اور انہیں چھٹے ٹی 20 میچ کے بعد طبیعت خراب ہونے پر اسپتال منتقل کیا گیا تھا۔ جہاں انہوں گزشتہ رات ڈاکٹر کی زیر نگرانی اسپتال میں ہی قیام کیا۔

اب پاکستان کرکٹ بورڈ کے میڈیا مینیجر نے اطلاع دی ہے کہ طبیعت میں بہتری کے بعد نوجوان بیٹر حیدر علی کو اسپتال سے ہوٹل منتقل کردیا گیا۔ وہ اب پہلے سے بہت بہتر محسوس کررہے ہیں جبکہ وائرل کی شدت بھی کم ہوگئی ہے۔

واضح رہے کہ حیدر علی نے جمعے کو کھیلے گئے میچ میں شرکت کی تایم وہ قابل ذکر بیٹنگ کا مظاہرہ کرنے میں کامیاب نہیں ہوسکے۔

مزید پڑھیں: نسیم شاہ کو ہوٹل سے گھر بھیج دیا گیا

اس سے قبل قومی ٹیم کے نوجوان فاسٹ بولر نسیم شاہ کو بھی انفیکشن کی شکایت کے بعد اسپتال منتقل کیا گیا تھا، جہاں انہیں پہلے نمونیا اور پھر کورونا کی تشخیص ہوئی، جس کے بعد انہیں پی سی بی نے ہوٹل سے گھر بھیج کر آئسولیشن میں جانے کی ہدایت کی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔