انٹارکٹیکا کی برف سے سات کلوگرام وزنی خلائی پتھر دریافت

ویب ڈیسک  جمعـء 20 جنوری 2023
بین الاقوامی ماہرین کی ٹیم انٹارکٹیکا میں سات کلوگرام وزنی شہابی پتھر کے پاس اپنی خوشی کا اظہار کررہی ہے۔ فوٹو: بشکریہ ماریہ والدیز، جامعہ شکاگو

بین الاقوامی ماہرین کی ٹیم انٹارکٹیکا میں سات کلوگرام وزنی شہابی پتھر کے پاس اپنی خوشی کا اظہار کررہی ہے۔ فوٹو: بشکریہ ماریہ والدیز، جامعہ شکاگو

شکاگو: اس میں کوئی شک نہیں کہ براعظم انٹارکٹیکا میں آسمانی پتھر (میٹیورائٹس) بڑی تعداد میں ملتے ہیں اور اب ماہرین نے ایک ایسا ہی غیرمعمولی شہابیہ دریافت کیا ہے جس کا وزن  7.6 کلوگرام ہے جواسے مزید غیرمعمولی بناتے ہیں۔

انٹارکٹیکا ایک دشوار گزار اور سخت سردی میں گھرا مقام ہے لیکن اسی نیلگوں برف میں آسمانی پتھر کی بڑی تعداد نہ صرف یہاں گرتی ہے بلکہ انہیں سفید برفیلی چادر میں باآسانی ڈھونڈ نکالا جاسکتا ہے۔ پھر وہاں موسمیاتی شدت کم ہے اور سیاہ پتھر زیادہ ٹوٹ پھوٹ کے شکار نہیں ہوتے۔

برف میں گرنے کے بعد آسمانی پتھر عموماً باہر کی جانب نمایاں دکھائی دیتے ہیں اور یوں اس خزانے کو تلاش کرنا بہت آسان ہوتا ہے۔ اب ماہرین کی بین الاقوامی ٹیم نے ایک ساتھ پانچ شہابی پتھر اٹھائے ہیں جن میں سے ایک کا وزن تقریباً 17 پاؤنڈ ہے۔

جامعہ شکاگو کے فیلڈ میوزیئم سے وابستہ ماریہ والدیزنے دیگر ممالک کے سائنسدانوں کے ساتھ مل کر یہ شہابی پتھر دریافت کئے ہیں جن کا تجزیہ اب رائل بیلجیئن انسٹی ٹیوٹ آف نیچرل سائنسِس میں کیا جائے گا۔ تاہم ان کے چھوٹے ٹکڑے کرکے بین الاقوامی ٹیم میں تقسیم کئے جائیں گے اور ہر ایک ٹیم مختلف پہلو سے اس کا مطالعہ کرے گی۔

توقع ہے اس پر تحقیق سے مزید انکشافات سامنے آئیں گے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔