جیمز ویب دوربین نے مرتے ہوئے ستارے کی تفصیلی تصویر ظاہرکردی

ویب ڈیسک  جمعـء 17 مارچ 2023
جیمز ویب خلائی دوربین نے ، ووولڈ ریئٹ اسٹار کی شاندار تصویر لی ہے جو اپنے آخری مراحل کی جانب گامزن ہے۔ فوٹو: بشکریہ ناسا

جیمز ویب خلائی دوربین نے ، ووولڈ ریئٹ اسٹار کی شاندار تصویر لی ہے جو اپنے آخری مراحل کی جانب گامزن ہے۔ فوٹو: بشکریہ ناسا

پیساڈینا، کیلیفورنیا: جیمز ویب خلائی دوربین سے حیرت انگیز تصاویرموصول ہونے کا سلسلہ جاری ہے اور اب اسی ٹیم نے ایک ایسے ستارے کی تصویر لی ہے جو اپنی آخری ہچکی لے رہا ہے۔

اسے وولف رینٹ اسٹار کا نام دیا ہے جو قنطارس (سیگیٹیرس) جھرمٹ میں ہم سے 15000 نوری سال کے فاصلے پر واقع ہے۔ واضح رہے کہ جیمزویب خلائی دوربین انفراریڈ اشعاع کو نوٹ کرکے ابتدائی یا قدیم ترین کائنات کی تصاویر لتی ہے اور یہی وجہ ہے کہ ہم بگ بینگ کے بعد قدرے ابتدائی کائنات کی تصاویر دیکھ رہے ہیں۔

تاہم وولف ریئٹ اسٹار کو دیکھتے ہوئے ہم ستاروں کے اختتام اور خود کائناتی ارتقا کے متعلق بہت کچھ جان سکتے ہیں۔ وجہ یہ ہے کہ بہت ہی کم بھاری ستارے ایسے ہوتے جن کا خاتمہ وولف ریئٹ جیسا ہوتا ہے۔ اس کیفیت پر تحقیق سے ہم ستاروں کے ارتقا کے متعلق بہت کچھ جان سکتے ہیں۔ اس وقت یہ ستارہ اپنی بیرونی پرت کھورہا ہے اور یہی وجہ ہے کہ گردوغبار اور گیس کی بڑی مقدار اطراف میں دیکھی جاسکتی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔