فضائی آلودگی ناپنے والا اوپن سورس اور کم خرچ آلہ

ویب ڈیسک  اتوار 19 مارچ 2023
تصویر میں فلیٹ برن نامی اوپن سورس اسکینر نصب ہے جو فضائی آلودگی کو مؤثر انداز میں نوٹ کرکے اس کا ڈیٹا فراہم کرتا ہے۔ فوٹو: ایم آئی ٹی

تصویر میں فلیٹ برن نامی اوپن سورس اسکینر نصب ہے جو فضائی آلودگی کو مؤثر انداز میں نوٹ کرکے اس کا ڈیٹا فراہم کرتا ہے۔ فوٹو: ایم آئی ٹی

بوسٹن: فضائی آلودگی ایک خوفناک عالمی مسئلہ بن چکی ہے۔ ہم لاہور اور کراچی میں بڑھتی ہوئی آلودگی سے متاثر ہیں۔ اسی بنا پر میساچیوسیٹس آف ٹیکنالوجی (ایم آئی ٹی) کے ماہرین نے اوپن سورس اور کم خرچ آلہ بنایا ہے جسے گاڑی میں بھی لگایا جاسکتا ہے۔

فلیٹ برن نامی یہ آلہ اتنا ارزاں ہے کہ دنیا بھر کے لوگ اسے استعمال کرسکیں گے۔ اس کے تمام اجزا تھری ڈی پرنٹنگ سے تیار کئے گئے ہیں جن پر کم لاگت آئی ہے۔ روایتی سینسر بہت مہنگے اور بھاری بھرکم ہوتے ہیں جبکہ فلیٹ برن ایک بہترین ایجاد ہے۔

ایم آئی ٹی کی سینس ایبل لیب سے وابستہ کارلو ریٹی اور ان کے ساتھی اس کے موجد ہیں۔ اس ٹیم نے دنیا بھر کے کئی بڑے شہروں میں اس کی آزمائش شروع کردی ہے۔ اگلے مرحلے میں اسے ’سٹی اسکینر‘ مںصوبے کا حصہ بنایا جائے گا تاکہ شہروں میں فضائی آلودگی کی شدت اور دیگرتفصیلات معلوم کی جاسکیں۔

ماہرین نے بتایا کہ وہ گزشتہ پانچ برس سے اس پر کام کررہے تھے اور اب اس کا پہلا نمونہ سامنے آیا ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔