میسی نے رونالڈو کو شکست دیدی، مگر کیسے؟

پرتگال کے اسٹار فٹبالر کرسٹیانو رونالڈو کو ایک مرتبہ پھر ارجنٹائن کو ورلڈکپ جتوانے والے لیونل میسی نے پیچھے چھوڑ دیا۔

میڈیا رپورٹس کے مطابق لیونل میسی نے اسٹراسبرگ کے خلاف گول کرکے یورپ کی ٹاپ فائیو لیگ میں رونالڈو کے سب سے زیادہ گول کا ریکارڈ توڑتے ہوئے پیرس سینٹ جرمن (پی ایس جی) کو فرنچ لیگ کا ریکارڈ 11ویں مرتبہ ٹائٹل جیتوادیا۔

میسی یورپ کی ٹاپ 5 لیگز میں 496 ریکارڈ گول کرنے والے کھلاڑی بھی بن گئے۔

دوسری جانب دنیا کے مہنگے ترین فٹبالر رونالڈو کی خدمات لے کر بھی سعودی کلب النصر ٹائٹل سے محروم رہا، پرتگالی سپر اسٹار اپنی ٹیم کو ٹائٹل جتوانے میں ناکام رہے۔

مزید پڑھیں: رونالڈو نے میچ کے دوران ’’سجدہ‘‘ کرکے دنیا کو حیران کردیا

النصر اور الاتفاق کے درمیان مقابلہ ایک ایک گول سے برابر رہا جبکہ الاتحاد نے الفیحا کو 0-3 سے شکست دیکر سعودی پرو لیگ کا ٹائٹل اپنے نام کرلیا۔

سعودی کلب کی نمائندگی کرتے ہوئے رونالڈو محض 18 مقابلوں میں 14 گولز اسکور کرسکے جبکہ انکی ٹیم کو روایتی حریف الہلال سے بھی شکست کا سامنا کرنا پڑا۔

Lionel Messi so far this season:

✅ World Cup winner
✅ World Cup Final Player of the Match
✅ World Cup Golden Ball winner
✅ The Best FIFA Men's Player 2022
✅ 2023 Laureus World Sportsman of the Year
✅ Ligue 1 winner
✅ Most goals all time in Europe's top five leagues (496) pic.twitter.com/N8TSeLcjLy

— ESPN FC (@ESPNFC) May 27, 2023