رتراج گائیکواڈ نے خاتون دوست کرکٹر کو جیون ساتھی بنالیا

اترکھشا سے رتراج کی دوستی دیرینہ تھی، ان کی شادی کی تقریب مہابلیشور میں انجام پائی

اسپورٹس ڈیسک پير 5 جون 2023

اترکھشا سے رتراج کی دوستی دیرینہ تھی، ان کی شادی کی تقریب مہابلیشور میں انجام پائی۔ فوٹو: انسٹاگرام پیج

ممبئی: بھارتی کرکٹر رتراج گائیکواڈ نے خاتون دوست کرکٹر کو جیون ساتھی بنالیا۔

بھارتی کرکٹر رتراج گائیکواڈ نے اپنی گرل فرینڈ اترکشھا پوار کو جیون ساتھی بنالیا، ان کی شادی کی تقریب مہابلیشور میں انجام پاگئی، انھوں نے شادی کی تصاویر سوشل میڈیا پر شائقین سے بھی شیئر کی ہیں۔

اترکھشا سے ان کی دوستی دیرینہ تھی، زندگی کے نئے سفر پر جانے والے گائیکواڈ کے لیے ساتھی کرکٹرز اور دوستوں نے نیک خواہشات کا اظہار کیا ہے، جس میں چنئی سپرکنگز میں ان کے موجودہ اور سابق پلیئرز نمایاں رہے۔

یہ بھی پڑھیں: بھارت؛ بلے باز نے ایک ہی اوور میں 43 رنز جڑ دیے

انھیں ورلڈ ٹیسٹ چیمپئن شپ فائنل کے ریزور پلیئرز میں بھی شامل کیا گیا تھا لیکن انھوں نے شادی کے پیش نظر لندن جانے سے گریز کیا تھا، ان کی جگہ یشاوی جیسوال برطانیہ گئے ہیں۔

ان کی شریک حیات اترکھشا بھی کرکٹر اور مہاراشٹرا کی نمائندگی بھی کرچکی ہیں، وہ سردست پونا میں مقیم تھیں۔