اداکار وہاج علی کے سوشل میڈیا پر3 ملین فالوورز، بھارتی مداح خوش

بھارتی مداحوں کی حوصلہ افزائی پر شکریہ ادا کرتا ہوں، وہاج علی

ویب ڈیسک منگل 6 جون 2023

اداکار نے بھارتی مداحوں کی تصاویر اپنے سوشل میڈیا اکاؤنٹ پر شئیرکیں:فوٹو:سوشل میڈیا

کراچی: اداکار وہاج علی کے مداح صرف پاکستان میں ہی نہیں بلکہ بھارت میں بھی موجود ہیں۔

ڈرامہ سیریل ’ تیرے بن‘ میں مرتسم کے کردار پر تعریفیں اور تنقید سمیٹنے والے وہاج علی کے سوشل میڈیا پر فالوورز کی تعداد 30 لاکھ تک جا پہنچی ہے۔ دلچسپ بات یہ ہے کہ وہاج کے فالوورز کی تعداد میں اضافے کا جشن ان بھارتی فینز نے منایا۔

اداکار نے اپنے اکاؤنٹ پر اپنی تصاویر اٹھائے بھارتی بچوں کی پکچرز شئیر کرتے ہوئے ان کا شکریہ ادا کیا ۔ وہاج علی نے بھارتی فینز کے لیے اپنے پیغام میں کہا کہ یہ حوصلہ افزائی کا خوبصورت انداز ہے۔ پاکستان سے بھارت شکریہ کے طور پرکوئی تحفہ تو نہیں بھیج سکتا تاہم آپ سب کے لیے نیک خواہشات کا اظہار کرتا ہوں۔