عین دعا کے وقت امام مسجد کے پاس بچہ آگیا اور کھیلنے لگا دلچسپ ویڈیو وائرل

امام مسجد کی دعا کے دوران بچے کے ساتھ کھیلنے کی ویڈیو وائرل ؛ فوٹو: فائل

---

ترکیہ کی ایک مسجد میں دعا کے دوران ایک بچہ امام صاحب کے نزدیک آگیا اور ان کے ساتھ کھیلنے لگا تاہم امام صاحب نے شفقت کا مظاہرہ کرتے ہوئے بچے کو پیار کیا اور دعا بھی جاری رکھی۔

ترک میڈیا کے مطابق سوشل میڈیا پر وائرل ہونے والی ایک ویڈیو میں دیکھا جا سکتا ہے کہ امام مسجد خوش لحنی کے ساتھ دعا کرا رہے ہیں اتنے میں ایک بچہ پہلی صف سے نکل کر امام صاحب کے نزدیک آجاتا ہے۔

استنبول کی مسجد میں بچہ، مہراب میں امام کے پاس پہنچ گیا۔
ترکیے میں بچوں کو خصوصی شفقت دی جاتی ہے۔ کہا جاتا ہے کہ اگر آپ کے بچے مسجدوں میں خوش ہوں تو سمجھو کہ آپ کے ملک میں اسلام کا مستقبل محفوظ ہے۔ pic.twitter.com/P3bu7JN3GJ

— RTEUrdu (@RTEUrdu) June 19, 2023

بچہ امام صاحب کو پیار کرتا ہے اور ان کے ساتھ کھیلنا چاہتا ہے۔ امام مسجد بھی بچے کے لاڈ اور پیار سے بہت خوش ہوتے ہیں۔ وہ اسے قریب بٹھاتے ہیں اور پیار کرتے ہیں۔ اس دوران امام صاحب نے دعا بھی مکمل کی۔

سوشل میڈیا پر ویڈیو وائرل ہونے پر صارفین نے حسن اخلاق اور بچے سے شفقت کے اظہار پر امام مسجد کی تعریف کرتے ہوئے لکھا کہ اسلام اور بالخصوص علمائے کرام پر تنقید کرنے والوں کو یہ ویڈیو ضرور دیکھنی چاہیے۔