چین کے اعلیٰ وفد کا دورۂ پاکستان؛ اسلام آباد میٹرو کا شیڈول جاری

 اسلام آباد: چین کے اعلی سطح کا وفد پاکستان کے دورے پر آج دارالحکومت پہنچ رہا ہے جس کے باعث میٹرو بس کا شیڈول جاری کر دیا گیا۔ 

ایکسپریس نیوز کے مطابق میڑو بس اسلام آباد سیکشن پر آپریشن کشمیر ہائی وے اسٹیشن سے پاک سیکرٹریٹ تک آج 30 جولائی کو 3 بجے سے یکم اگست دن 1 بجے تک بند رہے گا۔

30 جولائی کو 3 بجے سے میٹرو بس صرف صدر راولپنڈی سے فیض احمد فیض اسٹیشن تک چلائی جائے گی تاہم یکم اگست کو دن 1 بجے کے بعد میڑو بس آپریشن معمول کے مطابق مکمل طور پر بحال ہوجائے گا۔

بہارہ کہو سے چلنے والی گرین لائن اور اسلام آباد سے نیو ائیرپورٹ تک چلنے والی اورینج لائن بس سروس بھی یکم اگست دن ایک بجے تک بند رہیں گی جب کہ بلیو لائن بس سروس آپریشن معمول کے مطابق آپریشنل رہے گا۔