اس پرچم کے سائے تلے ہم ایک ہیں، رضوان کا سوشل میڈیا پر پیغام

  کراچی: شاہین آفریدی کے بعد رضوان نے بھی قومی ٹیم میں اختلافات کی قیاس آرائیوں کو مسترد کردیا۔

محمد رضوان نے ڈریسنگ روم میں مبینہ لڑائی کی افواہوں کو زائل کرنے کیلئے سوشل میڈیا پلیٹ فارم ’ایکس‘ پر ایک تصویر پوسٹ کی ہے جس میں تمام کھلاڑی گراؤنڈ کے اندر گول دائرے میں ایک دوسرے کے کاندھوں میں ہاتھ ڈال کر کھڑے ہیں اور عقب میں قومی پرچم لہراتا نظر آ رہا ہے۔

مزید پڑھیں:  لڑائی کی افواہوں کے بعد شاہین نے بابراعظم کیساتھ تصویر پوسٹ کردی

محمد رضوان نے اپنی پوسٹ میں  مشہور ملی نغمے ’’اس پر چم کے سائے تلے ہم ایک ہیں، ہم ایک ہیں‘‘ کے اشعار لکھے جس کے ذریعے کھلاڑیوں کے درمیان اختلافات کی خبروں کو مسترد کرکے یکجہتی کا پیغام دیا گیا ہے۔

Is Parcham k saaye talay,
Hum aik hain. Hum aik hain.

Saanjhi apni khushyaan,
Or ghum aik hain. Hum aik hain.#PakistanZindabad 🇵🇰 pic.twitter.com/NWNoT2BFPZ

— Muhammad Rizwan (@iMRizwanPak) September 20, 2023

یاد رہے کہ ایشیا کپ میں سری لنکا کے ہاتھوں شکست کے بعد ٹیم میٹنگ کے دوران کھلاڑیوں کے مابین گرما گرمی کی اطلاعات سامنے آئی تھیں۔

یہ بھی پڑھیں: ایشیا کپ؛ قومی ٹیم کے ڈریسنگ روم میں جھگڑے کی افواہیں جھوٹ نکلیں

میڈیا رپورٹس میں کہا گیا تھا کہ کپتان بابراعظم نے سینئر کھلاڑیوں کی کارکردگی پر عدم اطمینان کا اظہار کیا جس کے جواب میں شاہین آفریدی انکی حمایت میں بول پڑے تھے۔ دونوں کے درمیان  مبینہ تکرار ہوئی جس پر رضوان نے صلح صفائی کرائی تھی۔

قبل ازیں گزشتہ روز شاہین آفریدی نے بھی سوشل میڈیا پر بابراعظم کے ساتھ اپنی تصویر شیئر کی تھی جس نے دونوں کے درمیان اختلافات کی قیاس آرائیوں کو ختم کردیا تھا۔

family ❤️ pic.twitter.com/VjKAFOTIE5

— Shaheen Shah Afridi (@iShaheenAfridi) September 19, 2023

بابراعظم نے منگل کو کراچی میں شاہین آفریدی کی بارات میں بھی شرکت کی تھی اور اس موقع پر دونوں قومی کرکٹرز ایک دوسرے کے ساتھ کافی خوشگوار موڈ میں نظر آئے۔