لٹن داس نے مینکڈ کے بعد واپس بلالیا، سودھی، حسن سے بغلگیر

میرپور: لٹن داس نے مینکڈ رن آؤٹ ہونے والے ایش سودھی کو واپس بلالیا۔

میرپور میں کھیلے جانے والے ون ڈے میچ میں بولر حسن محمود نے گیند پھینکنے سے قبل کیوی بیٹر کو کریز سے باہر دیکھتے ہوئے رن آؤٹ کردیا، تھرڈ امپائر نے فیصلہ میزبان ٹیم کے حق میں دیا، مگر کپتان لٹن داس اور حسن محمود نے ایش سودھی کو واپس بلا لیا، اس اسپورٹس مین اسپرٹ کی داد دیتے ہوئے ایش سودھی نے حسن محمود کو گلے لگا لیا۔

یہ بھی پڑھیں: شاداب کے رن آؤٹ پر ایک بار پھر سوالات اُٹھنا شروع

کیوی بیٹر کو جب چانس ملا تو اس وقت انھوں نے 17گیندوں پر 26رنز بنائے تھے، ٹیم کا ٹوٹل 8وکٹ پر 224تھا،بعد میں سودھی نے 35گیندوں پر 39رنز اسکور کرتے ہوئے مجموعہ 254 تک پہنچانے میں اہم کردار ادا کیا، بولنگ میں 6شکار کرتے ہوئے ایش سودھی مین آف دی میچ بھی قرار پائے۔