سمیع اسلم کا امریکا کی جانب سے ورلڈکپ کھیلنے کا خواب خطرے میں پڑگیا

اسپورٹس ڈیسک  اتوار 3 مارچ 2024
انھیں یوایس اے کے سلیکٹرز نے نیشنل ٹی 20 چیمپئن شپ کے لیے ویسٹ زون کے اسکواڈ میں ہی شامل نہیں کیا۔ فوٹو: فائل

انھیں یوایس اے کے سلیکٹرز نے نیشنل ٹی 20 چیمپئن شپ کے لیے ویسٹ زون کے اسکواڈ میں ہی شامل نہیں کیا۔ فوٹو: فائل

نیویارک: سمیع اسلم کا امریکا کی جانب سے ورلڈکپ کھیلنے کا خواب خطرے میں پڑگیا۔

سمیع اسلم کا امریکا کی جانب سے ٹی 20 ورلڈکپ کھیلنے کا خواب خطرے میں پڑگیا، انھیں یوایس اے کے سلیکٹرز نے نیشنل ٹی 20 چیمپئن شپ کے لیے ویسٹ زون کے اسکواڈ میں ہی شامل نہیں کیا، اسی طرح سری لنکا کے سابق کرکٹر شیہان جے سوریا کو بھی نظر انداز کردیا گیا۔

یہ بھی پڑھیں: ٹیسٹ بیٹسمین سمیع اسلم نے پاکستان کو خیرباد کہہ دیا

نیشنل چیمپئن شپ کو میگا ایونٹ کی سلیکشن کے لیے اہم قرار دیا جارہا ہے، پاکستان کے 28 سالہ سابق کرکٹر سمیع اسلم نے امریکا میں مختلف مقابلوں کے دوران کافی رنز بنائے، انھوں نے گولڈن اسٹیٹ گریزلز کی جانب سے 42 میچز میں 35 کی اوسط سے ابتدائی 2 سیزنز میں 1000 سے زائد رنز بھی اسکور کیے۔

ذرائع کا کہنا ہے سمیع اسلم انڈور ٹرائلز میں شریک ہی نہیں ہوئے اس لیے انھیں نیشنل ٹی 20 ایونٹ کے لیے نظرانداز کردیا گیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔