موٹر سائیکل سوار نوجوان کو کچل کر فرار ہونے والا بس ڈرائیور گرفتار

ڈرائیور موقع سے بس سمیت فرار ہونے میں کامیاب ہوگیا تھا

---

سائٹ اے انویسٹی گیشن پولیس نے موٹر سائیکل سوار نوجوان کو کچل کر ہلاک کرنے والے ڈرائیور کو گرفتار کرلیا۔

پولیس کے مطابق رواں ماہ 20 جولائی کو سائٹ کے علاقے میں غفلت و لاپرواہی سے بس چلاتے ہوئے ڈرائیور نے موٹر سائیکل سوار 20 سالہ واجد کو کچل کر ہلاک کر دیا تھا۔

ڈرائیور موقع سے بس سمیت فرار ہونے میں کامیاب ہوگیا تھا تاہم پولیس نے سی سی ٹی وی فوٹیجز کی مدد سے بس کا پتہ چلا کر ڈرائیور اقبال کو گرفتار کر کے بس کو بھی اپنے قبضے میں لے لیا ۔