ابراہیم حیدری چشمہ گوٹھ دربار کے قریب سمندری دلدل سے خاتون کی 5 روز پرانی لاش ملی ہے۔
لاش کی اطلاع پر پولیس نے موقع پر پہنچ کر ایدھی کے رضا کاروں کی مدد سے خاتون کی لاش نکال کر تھانے منتقل کی گئی جس کے بعد اسے ورثا کے حوالے کر دیا گیا۔
ریسکیو حکام کا کہنا ہے کہ متوفیہ کی شناخت 60 سالہ خدیجہ کے نام سے کی گئی جو کہ گزشتہ 5 روز سے لاپتہ بتائی جاتی ہے جبکہ لاش سمندر کے قریب دلدل سے ملی تھی تاہم ابراہیم حیدری پولیس واقعہ کی مزید تحقیقات کر رہی ہے۔