نائن الیون کے خوفناک واقعے کے بعد بوکھلاہٹ کی شکار امریکی پولیس کے قصے زبان زد عام ہیں۔ ایسا ہی ایک وقعہ بھارتی اداکار نے سنایا ہے۔
بالی ووڈ کے ایکشن ہیرو سنیل شیٹی نے اپنی فلم کانٹے کی شوٹنگ کے حوالے سے ماضی کی یادیں تازہ کرتے ہوئے ایک خوفناک واقعہ سنایا۔
سنیل شیٹھی نے بتایا کہ اُن دنوں میری دراڑھی تھی اور میں شوٹنگ کے بعد اپنے ہوٹل پہنچا لیکن چابی بھول گیا تھا۔
اداکار نے واقعے کو یاد کرتے ہوئے بتایا کہ جب میں چابی مانگنے گیا تو کوئی غلط فہمی پیدا ہوگئی اور وہ شخص پولیس والوں کو بلا لایا۔
سنیل شیٹھی نے کہا کہ پولیس اہلکار نے آتے ہی مجھ پر بندوق تان لی اور حکم دیا کہ نیچے جھک جاؤ ورنہ گولی ماردوں گا۔
اداکار نے مزید بتایا کہ میں جھک گیا تو پولیس نے ہتھکڑی لگا کر مجھے زمین پر لٹا دیا اور قریب تھا کہ گول بھی چلا دیتے۔
سنیل شیٹھی کے بقول عین اسی وقت پروڈکشن ٹیم پہنچ گئی اور انھوں نے بتایا کہ یہ بھارتی اداکار ہیں جو شوٹنگ کے لیے آئے ہیں۔
اداکار نے کہا کہ یہ میری زندگی کا سب سے خوفناک واقعہ ہے جسے یاد کرکے اب بھی جسم میں جھرجھری سے آجاتی ہے۔
