- عدالتی امور میں مداخلت مسترد، معاملہ قومی سلامتی کا ہے اسے بڑھایا نہ جائے، وفاقی وزرا
- راولپنڈی میں معصوم بچیوں کے ساتھ مبینہ زیادتی میں ملوث دو ملزمان گرفتار
- تیسرا ٹی ٹوئنٹی: آئرلینڈ کی پاکستان کیخلاف بیٹنگ جاری
- دکی میں کوئلے کی کان پر دہشت گردوں کے حملے میں چار افراد زخمی
- بنگلادیش نے ٹی ٹوئنٹی ورلڈ کپ کیلئے اسکواڈ کا اعلان کردیا
- 100 دنوں میں 200 فلائٹس کے مسافر بیگز سے سونا چوری کرنے والا ملزم گرفتار
- سنی اتحاد کونسل نے چیئرمین پی اے سی کیلئے شیخ وقاص اکرم کا نام اسپیکر کو بھیج دیا
- آزاد کشمیر میں احتجاج کے دوران انسانی جانوں کے ضیاع پر افسوس ہے، وزیراعظم
- جنوبی وزیرستان کے گھر میں ہونے والا دھماکا ڈرون حملہ تھا، رکن اسمبلی کا دعویٰ
- دنیا کا گرم ہوتا موسم، مگرناشپاتی کے لیے سنگین خطرہ
- سائن بورڈ کے اندر سے 1 سال سے رہائش پذیر خاتون برآمد
- انٹرنیٹ اور انسانی صحت کے درمیان مثبت تعلق کا انکشاف
- ڈالر کے مقابلے میں روپے کی قدر میں اضافے کا سلسلہ جاری
- بنگلادیشی لڑاکا طیارہ فلمی کرتب دکھانے کی کوشش میں تباہ؛ ویڈیو وائرل
- پنجاب میں پبلک پرائیویٹ پارٹنرشپ کو مثالی بنائیں گے، مریم اورنگزیب
- آڈیو لیکس کیس میں مجھے پیغام دیا گیا پیچھے ہٹ جاؤ، جسٹس بابر ستار
- 190 ملین پاؤنڈ کرپشن کیس میں عمران خان کی درخواست ضمانت پر فیصلہ محفوظ
- غزہ میں اسرائیل کا اقوام متحدہ کی گاڑی پر حملہ؛ 2 غیر ملکی اہلکار ہلاک
- معروف سائنسدان سلیم الزماں صدیقی کے قائم کردہ ریسرچ سینٹر میں تحقیقی امور متاثر
- ورلڈ کپ میں شاہین، بابر کا ہی نہیں سب کا کردار اہم ہوگا، سی ای او لاہور قلندرز
اداکارہ کاجل کی 4 سال بعد واپسی، فلم شوہر اجے دیوگن پروڈیوس کرینگے
ممبئی: بالی ووڈ اداکارہ کاجل نے ایک بار پھر فلموں میں واپسی کا اعلان کردیا ہے اور وہ اپنے شوہر اجے دیوگن کی پروڈکشن میں اس نئی فلم میں کام کریں گی۔
آخری بار کرن جوہر کی فلم ’’مائی نیم از خان‘‘ میں 2010ء میں کام کیا تھا ، اب وہ اپنے شوہر اداکار اجے دیوگن کی نئی فلم میں کام کرنے والی ہے۔ اطلاعات کے مطابق اس کے شوہر کی فلم کی فلم بندی کا آغاز اکتوبر میں ہو جائے گا۔ اجے دیوگن نے اس حوالے سے گفتگو کرتے ہوئے بتایا ہے کہ فلم ایک لو اسٹوری ہو گی جو زیادہ تر عورت کے گرد گھومتی ہے تاہم اس سے زیادہ کہانی کے بارے میں ابھی نہیں بتا سکتا۔
دیوگن نے یہ بھی بتایا کہ فلم کے ہیرو کی تلاش کی جا رہی ہے اور میں صرف فلم کو پروڈیوس کروں گا ، باقی کام دیگر افراد ہی کریں گے۔ اس سلسلے میں فلم کے ڈائریکٹر رام مدھوانی نے تصدیق کرتے ہوئے بتایا کہ ہاں ’’ہم اس فلم کو اکتوبر میں شروع کر رہے ہیں‘‘ تو ساتھ ہی موجود اداکارہ کاجل نے فوراً کہا جی ہاں فلم میں کام کر رہی ہوں۔ مدھوانی نے کہا ’’ہم ایک دوسرے کو برسوں سے جانتے ہیں‘ ہم نے کئی ایڈورٹائزمنٹس میں اکٹھے کام کیا ہے‘ کاجل اور میں ملکر ایک مشترکہ ٹرسٹ پر بھی کام کر رہے ہیں اور ایک دوسرے کی عزت کرتے ہیں‘ میں نے جب کاجل سے اس فلم کے بارے میں بات کی تو وہ مان گئیں‘ کاجل کے شوہر اجے دیوگن اس فلم کو پروڈیوس کر رہے ہیں‘‘۔
مدھوانی نے کہا اکتوبر میں فلم پر کام شروع ہوگا اور یہ کاجل کی گھریلو فرائض کے مطابق ہوگا‘ فلم کی شوٹنگ کاجل کے گرد ہی گھومے گی کیونکہ وہ ایک بیوی اور ایک ماں بھی ہیں تو ان مصروفیات کو بھی مد نظر رکھا جائے گا۔ دیکھا جائے تو ایسی چند ایک ہی اداکارائیں ہیں جو گھر داری کے لیے فلمی دنیا کو عین بلندیوں پر بھی خیر باد کہہ دیتی ہیں ان میں سے ایک کاجل ہیں‘ کاجل نے سب چیزوں پر اپنے گھر اور بچوں کو ترجیح دی‘ کاجل نے ماضی میں بھی کئی فلموں میں کام کرنے سے انکار کردیا تھا۔
5 اگست 1974ء کو پیدا ہونے والی اداکارہ کاجل نے اپنے فلمی کیریئر کا آغاز 1992ء میں فلم ’’بے خودی ‘‘ سے کیا جب وہ ابھی اسکول جاتی تھی‘ بعد ازاں کاجل نے اداکاری کی خاطر پڑھائی کو خیر باد کہہ دیا تھا اور پھر اگلے ہی برس 1993ء میں اپنی پہلی کامیاب کمرشل تھرلر فلم ’’بازیگر ‘‘ میں مدمقابل اداکار شاہ رخ خان کے ساتھ بہترین اداکاری کی بعد ازاں انھوں نے پھر کئی بلاک بسٹر فلمیں دیں جن میں ’’دل والے دلہنیا لے جائیں گے‘‘۔
’’ کچھ کچھ ہوتا ہے‘‘ اور ’’کبھی خوشی کبھی غم ‘‘ مشہور فلمیں ہیں۔ کاجل کی آخری فلم جس میں وہ ایک گانے میں بطور ڈسکو ڈانسر نظر آئیں وہ 2012ء میں ’’اسٹوڈنٹ آف دی ایئر‘‘ تھی۔ یاد رہے کہ سری دیوی نے کافی عرصے بعد کم بیک کر کے فلم ، انگلش ونگلش میں کام کیا تھا اور وہ ہٹ ثابت ہوئی تھی ، جب کہ عورت کے مرکزی کردار پر مبنی ایک فلم حال ہی میں شادی کرنے والی اداکارہ رانی مکھر جی بھی کر رہی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔