امریکی ٹیرف کے حوالے سے سام سنگ کا انتباہ جاری!

امریکا کی جانب سے عائد کیے جانے والے ٹیرف کمپنی کی اشیاء کی طلب متاثر کریں گے: سام سنگ


ویب ڈیسک May 01, 2025

ٹیکنالوجی کمپنی سام سنگ خبردار کیا ہے کہ امریکا کی جانب سے عائد کیے جانے والے ٹیرف کمپنی کی اشیاء (بشمول اسمارٹ فونز اور چپس) کی طلب متاثر کریں گے۔

جنوبی کوریا کی الیکٹرونک کمپنی نے اپنی آمدنی کی سہ ماہی رپورٹ جاری کی جس میں بتایا گیا کہ رواں برس 31 مارچ تک کمپنی کی آمدنی 41.6 ارب پاؤنڈز رہی اور آپریٹنگ منافع میں 1.5 فی صد اضافہ دیکھا گیا۔

تاہم، کمپنی کے عہدیداران نے امریکا کی ٹیرف پالیسی کے حوالے سے موجود عدم استحکام کے متعلق خبردار کیا ہے اور کہا ہے کہ ایسا ہونے سے سال کے آخری حصے میں ممکنہ طور پر اشیاء کی طلب میں کمی واقع ہوسکتی ہے۔

کمپنی کا کہنا تھا کہ امریکی صدر ڈونلڈ ٹرمپ کی جانب سے مختلف ممالک پر عائد کیے گئے ٹیرف کی وقتی طور پر مؤخر ہونے کے بعد گاہکوں نے اپنے آرڈر پہلے کر دیے ہیں۔ تاہم، سال کے دوسرے ششماہی اس کے منفی اثرات مرتب ہوسکتے ہیں۔

یہ ٹیرف ویتنام اور جنوبی کوریا جیسے ممالک کو بھی متاثر کریں گے جہاں پر سام سنگ اپنے اسمارٹ فونز، ڈسپلے اور دیگر اشیاء تیار کرتا ہے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں

رائے

اس فتح کا راز

May 19, 2025 01:31 AM |

آدم خور مسئلہ!

May 19, 2025 01:22 AM |