یورپ کی گائرو ڈی اٹالیا سائیکلنگ مقابلے میں شریک نیوزی لینڈ کے سائیکلسٹ سے ریس کے دوران بکری ٹکرا گئی۔
سائیکلسٹ ڈیون اسمتھ اتوار کے روز البانیہ میں ریس کی 99.4 میل طویل اسٹیج میں شریک تھے جب انہوں نے سڑک کے ساتھ بکریوں کا ایک چھوٹا سا ریوڑ دیکھا۔
یہ دیکھ کر ڈٓیون اسمتھ بکریوں سے بچنے کے لیے دائیں جانب ہونے لگے لیکن ایک بکری سڑک پر آگئی اور سیدھا ان کی بائی سائیکل سے ٹکرا گئی۔
Goat recognizes the GOAT 🐐
Dion Smith is the chosen man for this Giro d’Italia 🩷 pic.twitter.com/sd3FrIiTUm
— Intermarché-Wanty (@IntermarcheW) May 11, 2025
حادثے کی ویڈیو میں دیکھا جا سکتا ہے کہ بکری ہوا میں چھلانگ لگا کر آئی اور سائیکلسٹ کی ٹانگ اور سائیکل کے پچھلے پہیے سے ٹکرا گئی اور روڈ کی دوسری جانب بھاگ گئی۔
تصادم کے بعد ڈیون روڈ سے تھوڑا سا ہٹے لیکن اس کے باوجود ان کا توازن برقرار رہا۔
